- واش باك هو لي فارض عليك هادشي ؟
- عبد الله.. بغيتك تعرف الكبير راه ماشي الأب ديالي غير كذب عليك..
- وشكون هو ايلا ماكانش هو الأب ديالك ؟
- واش باغي تبكيني ؟
- صافي بلا مانبزز عليك..
- الأم ديالي سعاية..متسولة حيت الأب ديالي لي ولدني ماشي راجل وعمرو ماكان راجل وأهم شيء عمرني غادي نسمح ليه..انا داك نهار مادخلتيش ليا لخاطري غير هكاك ومارتاحيتش ليك أعبد الله غير هكاك ومبغيتش نكون معاك غير هكاك..وإنما حيت أنا وياك مكاين حتى فرق بيناتنا..انت لاحوك واليديك وأنا لاحوني واليديا..الأب ديالي هرب علينا..بقيت غير انا والواليدة..كانت الأم ديالي كاتسعى قدام جوامع من جامع لجامع..مكاينش لي رحمنا..واحد النهار جا الكبير بقى كيشوف فيا شوية هضر مع الواليدة باش يتبناني حتى تحسن الأوضاع وترجع تاخدني من عندو..واعداتني وبقات كتحلف ليا بلي غاترجع على قبلي ولكن...مارجعاتش، خانتني وخوات بيا...خصك تعرف أعبد الله أن الوحوش كنلقاو فيها خير كثر من لي ولدونا وكثر من البشر..كون تعرف الحقد لي فيا...ماعرفتش كيفاش كيبان لك الكبير، يمكن هو خايب بزااف ولكن لقيت فيه الخير لي مالقيتوش فلي ولدوني، هزني من وسط الزبل وكبرني وقراني وعلمني مانتيق فحتى حد الشيء لي خلاني نبعد من البشر و نرفض شحال من واحد حاول يتقرب مني...ولكن اول مرة شفتك شي حاجة خلاتني نحس بلي انت نسخة مني بلي انت من نوع اخر..بلي انا وياك عندنا نفس المعاناة وكنتألمو نفس الألم...أنا مختاريتكش غير هكاك...
- الصراحة ماعرفت مانقول ليك..ولكن انا مستعد نوقف معاك فاشما بغيتي...حتى ايلا بغيتي نمشيو فالطريق ديال الكبير ونقتلو ريوسنا تيقي بيا ماعندي حتى مشكل ومابقى عندي مانخسر..حيت أسوء شيء يقدر يوقع لك هو تحس أنك منعادم تحس أنك ماشي عايش واخا انت عايش...تحس أنك منعدم الضمير..عالة على الكون..وماعندك والو وماباغي والو..نغسك ميتة كل نهار كتفيق كتمنى ايمتى يدوز نهارك..كل نهار كتنعس فيه كاتمنى ماتبقاش تفيق ومتبقاش ترجع لهاد العالم بمرة...هذا أسوء إحساس ممكن تحس بيه...أنا كنحس بيه وانتي كتحسي بيه...ودابا أنا غانقوليك ختاري، يا إما نكملو ويا إما نهربو..
- عبد الله..كانظن واخا كاع إيلا هربنا على الكبير وقررنا نبعدو لشي قنت ونعيشو مع بعضياتنا..كنظن عمرنا غانكونو بيخير هادشي غايبقى تابعنا..هاد الألم والماضي عمرو غيتفارق معانا..
- شوفي مادام أنني قلت لك ختاري را ماعنديش مشكل فأي اختيار اختاريتيه...
- وأنت اشنو ختاريتي ؟
- أنا واعدت عادل بلي غادي نتبعو..ماعرفتش صراحة..
- خلينا حتى نفكرو فهادشي ونشوفو شنو غانديرو..
ساليت معاها الهضرة ووصلتها حتى خدات طاكسي ومشيت فحالاتي للدار...فالليل عيط ليا الكبير باش ندوز نناقش معاه موضوع الدرس ديال ديك الليلة...وصل الوقت ومشيت عندو جالسين كنتناقشو على موضوع الجهاد شوية دخلو الناس وعطيت الدرس..ملي سالينا صلينا العشاء..خرجو الناس مشاو فحالهم..شوية طلبني الكبير باش نجلس معاه شوية نهضرو قلت ليه واخا، شوية سولني قال ليا: أنت أعبد الله شنو تقدر دير باش تنصر دينك وتدافع عليه ؟
- نقدر ندير أي حاجة..
- انت دابا تبارك الله راك غادي مزيان وشديتي بلاصتي ووليتي كاتفتي على الناس وحتى الأسلوب ديالك كيأثر فالناس راك شفتي شحال ديال الناس تزادو هاد ليامات..
- اه شفت...هادشي كامل من فضلك..
- ماتقولش هكا..هادشي من فضل الله..هاك هاد الأمانة ديرها فجيبك..وسير ترتاح مع راسك حتال غدا ان شاء الله...
عطاني شي 2000 درهم تقريبا...هنا فهمت انه كايوجد باش يدخلني شي دخلة كيف دار مع لخرين لي سيفطهم...موهيم مشيت للدار تعشيت ونعست..
الغد ليه كيف العادة مشيت للمجمع ولكن هاد المرة ماشي انا لي غانعطي الدرس وماشي الكبير..وإنما واحد خونا آخر..موهيم مكانت عندي حتى فكرة على داك السيد فاللول..ملي سالا..عيط ليا الكبير نكمل الدرس وخرج هو وياه حدا الباب، شوية ساليت الدرس ناضو الناس كيخرجو، هزيت عيني بان ليا داك خونا واقف مع الكبير وكانت معاهم حتى "هبة"..شوية مشى داك خونا ركب على واحد رونج روفر ومشى..وبقات هبة مع الكبير..خرجت سلمت عليهم ومشيت فحالي..
وصلات ديك 12 عيطات ليا "هبة"..جالسين كنهضرو شوية قالت ليا: نتلاقاو غدا باغة نقولك شي هضرة..حيت هاد الهضرة ماشي ديال تلفون...يتبع
- عبد الله.. بغيتك تعرف الكبير راه ماشي الأب ديالي غير كذب عليك..
- وشكون هو ايلا ماكانش هو الأب ديالك ؟
- واش باغي تبكيني ؟
- صافي بلا مانبزز عليك..
- الأم ديالي سعاية..متسولة حيت الأب ديالي لي ولدني ماشي راجل وعمرو ماكان راجل وأهم شيء عمرني غادي نسمح ليه..انا داك نهار مادخلتيش ليا لخاطري غير هكاك ومارتاحيتش ليك أعبد الله غير هكاك ومبغيتش نكون معاك غير هكاك..وإنما حيت أنا وياك مكاين حتى فرق بيناتنا..انت لاحوك واليديك وأنا لاحوني واليديا..الأب ديالي هرب علينا..بقيت غير انا والواليدة..كانت الأم ديالي كاتسعى قدام جوامع من جامع لجامع..مكاينش لي رحمنا..واحد النهار جا الكبير بقى كيشوف فيا شوية هضر مع الواليدة باش يتبناني حتى تحسن الأوضاع وترجع تاخدني من عندو..واعداتني وبقات كتحلف ليا بلي غاترجع على قبلي ولكن...مارجعاتش، خانتني وخوات بيا...خصك تعرف أعبد الله أن الوحوش كنلقاو فيها خير كثر من لي ولدونا وكثر من البشر..كون تعرف الحقد لي فيا...ماعرفتش كيفاش كيبان لك الكبير، يمكن هو خايب بزااف ولكن لقيت فيه الخير لي مالقيتوش فلي ولدوني، هزني من وسط الزبل وكبرني وقراني وعلمني مانتيق فحتى حد الشيء لي خلاني نبعد من البشر و نرفض شحال من واحد حاول يتقرب مني...ولكن اول مرة شفتك شي حاجة خلاتني نحس بلي انت نسخة مني بلي انت من نوع اخر..بلي انا وياك عندنا نفس المعاناة وكنتألمو نفس الألم...أنا مختاريتكش غير هكاك...
- الصراحة ماعرفت مانقول ليك..ولكن انا مستعد نوقف معاك فاشما بغيتي...حتى ايلا بغيتي نمشيو فالطريق ديال الكبير ونقتلو ريوسنا تيقي بيا ماعندي حتى مشكل ومابقى عندي مانخسر..حيت أسوء شيء يقدر يوقع لك هو تحس أنك منعادم تحس أنك ماشي عايش واخا انت عايش...تحس أنك منعدم الضمير..عالة على الكون..وماعندك والو وماباغي والو..نغسك ميتة كل نهار كتفيق كتمنى ايمتى يدوز نهارك..كل نهار كتنعس فيه كاتمنى ماتبقاش تفيق ومتبقاش ترجع لهاد العالم بمرة...هذا أسوء إحساس ممكن تحس بيه...أنا كنحس بيه وانتي كتحسي بيه...ودابا أنا غانقوليك ختاري، يا إما نكملو ويا إما نهربو..
- عبد الله..كانظن واخا كاع إيلا هربنا على الكبير وقررنا نبعدو لشي قنت ونعيشو مع بعضياتنا..كنظن عمرنا غانكونو بيخير هادشي غايبقى تابعنا..هاد الألم والماضي عمرو غيتفارق معانا..
- شوفي مادام أنني قلت لك ختاري را ماعنديش مشكل فأي اختيار اختاريتيه...
- وأنت اشنو ختاريتي ؟
- أنا واعدت عادل بلي غادي نتبعو..ماعرفتش صراحة..
- خلينا حتى نفكرو فهادشي ونشوفو شنو غانديرو..
ساليت معاها الهضرة ووصلتها حتى خدات طاكسي ومشيت فحالاتي للدار...فالليل عيط ليا الكبير باش ندوز نناقش معاه موضوع الدرس ديال ديك الليلة...وصل الوقت ومشيت عندو جالسين كنتناقشو على موضوع الجهاد شوية دخلو الناس وعطيت الدرس..ملي سالينا صلينا العشاء..خرجو الناس مشاو فحالهم..شوية طلبني الكبير باش نجلس معاه شوية نهضرو قلت ليه واخا، شوية سولني قال ليا: أنت أعبد الله شنو تقدر دير باش تنصر دينك وتدافع عليه ؟
- نقدر ندير أي حاجة..
- انت دابا تبارك الله راك غادي مزيان وشديتي بلاصتي ووليتي كاتفتي على الناس وحتى الأسلوب ديالك كيأثر فالناس راك شفتي شحال ديال الناس تزادو هاد ليامات..
- اه شفت...هادشي كامل من فضلك..
- ماتقولش هكا..هادشي من فضل الله..هاك هاد الأمانة ديرها فجيبك..وسير ترتاح مع راسك حتال غدا ان شاء الله...
عطاني شي 2000 درهم تقريبا...هنا فهمت انه كايوجد باش يدخلني شي دخلة كيف دار مع لخرين لي سيفطهم...موهيم مشيت للدار تعشيت ونعست..
الغد ليه كيف العادة مشيت للمجمع ولكن هاد المرة ماشي انا لي غانعطي الدرس وماشي الكبير..وإنما واحد خونا آخر..موهيم مكانت عندي حتى فكرة على داك السيد فاللول..ملي سالا..عيط ليا الكبير نكمل الدرس وخرج هو وياه حدا الباب، شوية ساليت الدرس ناضو الناس كيخرجو، هزيت عيني بان ليا داك خونا واقف مع الكبير وكانت معاهم حتى "هبة"..شوية مشى داك خونا ركب على واحد رونج روفر ومشى..وبقات هبة مع الكبير..خرجت سلمت عليهم ومشيت فحالي..
وصلات ديك 12 عيطات ليا "هبة"..جالسين كنهضرو شوية قالت ليا: نتلاقاو غدا باغة نقولك شي هضرة..حيت هاد الهضرة ماشي ديال تلفون...يتبع
بقلــم: الـﺴـــــــﺎﻋــــﺮ
Commentaires