"قصتـــــي مـــع الإكتئـــــــاب"
بــــــارت 8.
..سولتو قلت ليه واش غادي ترجع قال ليا حنا عند الله...حاولت نعرف اشنو مخبي ولكن بدون جدوى حتى واحد مابغى يعطيني راس الخيط...مشيت فحالاتي الغد ليه جيت للمجمع مالقيتش أيوب ريحت..شوية عيط ليا الكبير باش نجلس حداه وهو كايفتي الدرس..هنا الحاجة الوحيدة لي طاحت ليا فبالي هي ان نوبتي قربات حيت كاع لي سيفطهم كانو كيجلسو حداه وهو كيختارهوم...جيت ريحت حداه ووليت ديما كانريح حداه..الغد ليه مشيت لافاك حيت دار معايا نتشاوفو تما باش يعطيني شي وراق كيف العادة وهاد المرة كانت معاه بنتو..جيت سلمت عليهم عطاني الوراق وعرفني على بنتو وقال ليا باش نوصلها معايا فالطريق..قلت ليه واخا..مشى فحالاتو ومشيت معاها..فالطريق مانطقت بحتى كلمة وماهزيتش فيها عيني..أنا تعمدت مانهضرش واخا فراسي شحال من سؤال..وصلتها نص الطريق شدات طاكسي ومشيت فحالاتي وفالليل ملي سالينا المجمع كنت كنهضر مع الكبير وكانت واقفة معانا كانت كتشوف فيا شي شوفات حسيت بيها كتحاول تقراني..وواخا هكاك كنت متأكد بلي غاتجي تهضر معايا وغاتبغي تعرف شحال من حاجة..وهادشي لي غايوقع من بعد يومين..تلاقينا فلافاك باش نوصلها نص الطريق كيف العادة، ولكن هاد المرة طلبات مني باش نجلسو فواحد البلاصة، قلت ليها واخا..مشينا ريحنا..كانت كتسناني نقول شي حاجة ساعة بقيت ساكت..شوية جبدات معايا الهضرة وقالت ليا: آشنو مخبي ؟
- والو علاش..
- متحاولش تكذب عليا.
- ماكنكذبش.
- واش كاظن انني قلت لك نجلسو نهضرو غير هكاك.
- لا.
- ايوا قول ليا اشنو مخبي.
- علاش غادي نقولك ؟ وكيفاش غادي نتيق فيك وانا مكنعرفكش..
شوية هزات داك الخمار ووراتني وجهها وقالت ليا: هانتا شوف مزيان ودير فبالك انت اول واحد غايشوف وجهي من بعد واليديا..ولكن غير باش تيق فيا، يالاه قول ليا اشنو مخبي، حيت تصرفاتك وطريقتك فالهضرة والحركات لي كادير خلاتني نبغي نعرفك ونعرف اشنو مخبي..
- واش نقدر نعرف بعدا اشنو كايوقع فداك المجمع ؟
- شوف متحاولش تبدل الموضوع..جاوبني بعدا.
- انا مامخبي والو..فقط لي نقدر نقولك هو انني أسوء إنسان فهاد العالم..شكون فهاد العالم لي غايرضى يكون طفل غير شرعي..شكون فهاد العالم لي غايرضى تكون حياتو بدون معنى، حتى واحد..حياتي كاملة وانا عايش فالكذوب حتال النهار لي غادي نتعرف فيه على الكبير..هاد الطريق خلاتني نعرف أنني ماعنديش واليديا خلاتني نعرف انني ضحية ديال جوج دناس كانو كايفرغو الكبت ديالهم فبعضياتهم وملي ولدوني لاحوني وهربو بلا رحمة بلا شفقة، حتى حد مارحمني وتيقي بيا كل نهار كنعس وكانتمنى منعاودش نفيق..كنتمنى نخرج من هاد العالم وعمرني نعاود نرجع ليه...هذا هو أنا..كانظن هادشي لي كنتي باغة تعرفيه..
شفت فيها حدرات راسها..شوية سولاتني قالت ليا واش كتخاف من الموت ؟
- لا..
- حيت ايلا كنتي كتخاف منو خصك تهرب..
- خلينا من هادشي..واش نقدر نعرف آش كايوقع هنا ؟
- مازال الحال باش تعرف...دابا خصني نمشي..
مشات شوية رجعات عندي عطاتني واحد الورقة فيها نمرتها وقالت ليا: ايلا بغيتي تعيط عيط ليا من ورا 11 ومشات...
فالليل مشيت كي العادة للمجمع ومبانتش ليا وصليت العشااء ورجعت للدار...بقيت جالس مكونكطي شوية وصلات ديك 12 جبدت نمرتها وعيطت ليها..بقينا داوين شوية قالت ليا: ميبقاش فيك الحال كاين لي عندو ظروف أكفس منك وبغيتك تعرف انني رتاحيت ليك ودخلتي ليا لخاطري..
- واش كاتعاطفي معايا..
- لا والله..عمرني شفت شي حد بحالك..انت انسان متميز ومتستاهلش هادشي لي انت فيه..
- واخا علاش عطيتيني نمرتك..
- باش نبقاو نقدرو نهضرو..حيت الكبير ايلا ساق الخبار ولا شافني كنوقف معاك بزااف غادي يكرفصني..
- واخا..ايمتى ناوية تقولي ليا اش كايوقع تما..
- مانقدرش نقول ليك..
- علاش ؟.
- خصني نقطع دابا..تصبح على خير..
قطعات عليا..ريحت كنفكر مع راسي شوية قلت مع راسي مانبقاش نمشي لداك المجمع نشوف اش غادي يوقع..وفعلا داكشي لي درت مامشيتش شي يومين وطفيت تلفون، الغد ليه قلت نحل فيسبوك نضرب طلة على الكونفيرصاصيون ديال عادل صراحة تصدمت ملي لقيتو مخلي ليا ميصاج كاتب ليا: [ عبد الله نتمنى تكون بيخير ومرتاح، سمح ليا بزاف مشيت بلا مانقول ليك والو..مابغيتكش تقلق مني، أنا دابا غادي عند الله..غادي نشوف الواليدة فجنة...بلا ماتقلب عليا نتلاقاو فجنة إن شاء الله..طهلا فراسك]....يتبع
- والو علاش..
- متحاولش تكذب عليا.
- ماكنكذبش.
- واش كاظن انني قلت لك نجلسو نهضرو غير هكاك.
- لا.
- ايوا قول ليا اشنو مخبي.
- علاش غادي نقولك ؟ وكيفاش غادي نتيق فيك وانا مكنعرفكش..
شوية هزات داك الخمار ووراتني وجهها وقالت ليا: هانتا شوف مزيان ودير فبالك انت اول واحد غايشوف وجهي من بعد واليديا..ولكن غير باش تيق فيا، يالاه قول ليا اشنو مخبي، حيت تصرفاتك وطريقتك فالهضرة والحركات لي كادير خلاتني نبغي نعرفك ونعرف اشنو مخبي..
- واش نقدر نعرف بعدا اشنو كايوقع فداك المجمع ؟
- شوف متحاولش تبدل الموضوع..جاوبني بعدا.
- انا مامخبي والو..فقط لي نقدر نقولك هو انني أسوء إنسان فهاد العالم..شكون فهاد العالم لي غايرضى يكون طفل غير شرعي..شكون فهاد العالم لي غايرضى تكون حياتو بدون معنى، حتى واحد..حياتي كاملة وانا عايش فالكذوب حتال النهار لي غادي نتعرف فيه على الكبير..هاد الطريق خلاتني نعرف أنني ماعنديش واليديا خلاتني نعرف انني ضحية ديال جوج دناس كانو كايفرغو الكبت ديالهم فبعضياتهم وملي ولدوني لاحوني وهربو بلا رحمة بلا شفقة، حتى حد مارحمني وتيقي بيا كل نهار كنعس وكانتمنى منعاودش نفيق..كنتمنى نخرج من هاد العالم وعمرني نعاود نرجع ليه...هذا هو أنا..كانظن هادشي لي كنتي باغة تعرفيه..
شفت فيها حدرات راسها..شوية سولاتني قالت ليا واش كتخاف من الموت ؟
- لا..
- حيت ايلا كنتي كتخاف منو خصك تهرب..
- خلينا من هادشي..واش نقدر نعرف آش كايوقع هنا ؟
- مازال الحال باش تعرف...دابا خصني نمشي..
مشات شوية رجعات عندي عطاتني واحد الورقة فيها نمرتها وقالت ليا: ايلا بغيتي تعيط عيط ليا من ورا 11 ومشات...
فالليل مشيت كي العادة للمجمع ومبانتش ليا وصليت العشااء ورجعت للدار...بقيت جالس مكونكطي شوية وصلات ديك 12 جبدت نمرتها وعيطت ليها..بقينا داوين شوية قالت ليا: ميبقاش فيك الحال كاين لي عندو ظروف أكفس منك وبغيتك تعرف انني رتاحيت ليك ودخلتي ليا لخاطري..
- واش كاتعاطفي معايا..
- لا والله..عمرني شفت شي حد بحالك..انت انسان متميز ومتستاهلش هادشي لي انت فيه..
- واخا علاش عطيتيني نمرتك..
- باش نبقاو نقدرو نهضرو..حيت الكبير ايلا ساق الخبار ولا شافني كنوقف معاك بزااف غادي يكرفصني..
- واخا..ايمتى ناوية تقولي ليا اش كايوقع تما..
- مانقدرش نقول ليك..
- علاش ؟.
- خصني نقطع دابا..تصبح على خير..
قطعات عليا..ريحت كنفكر مع راسي شوية قلت مع راسي مانبقاش نمشي لداك المجمع نشوف اش غادي يوقع..وفعلا داكشي لي درت مامشيتش شي يومين وطفيت تلفون، الغد ليه قلت نحل فيسبوك نضرب طلة على الكونفيرصاصيون ديال عادل صراحة تصدمت ملي لقيتو مخلي ليا ميصاج كاتب ليا: [ عبد الله نتمنى تكون بيخير ومرتاح، سمح ليا بزاف مشيت بلا مانقول ليك والو..مابغيتكش تقلق مني، أنا دابا غادي عند الله..غادي نشوف الواليدة فجنة...بلا ماتقلب عليا نتلاقاو فجنة إن شاء الله..طهلا فراسك]....يتبع
بقلــم: الـﺴـــــــﺎﻋــــﺮ
Commentaires