"قصتـــــي مـــع الإكتئـــــــاب"
بــــــارت 7.
..شوية سولني قال ليا: واش أنت جديد هنا ؟
- آه وانت ؟
- انا قديم شوية هنا.
- آه..كاتعرف عادل ؟
- آه هذاك هو الكتف ليمن ديال الكبير..
- آه...شفتو غبر، ماعندكش عليه شي خبار ؟
- لا والله..
ساليت معاه الهضرة وتعرفت عليه..سميتو أيوب...موهيم مشيت فحالي وكيف العادة حاولت نتاصل ب عادل ساعة والو تلفون طافي..ريحت بقيت كنفكر وكنقول مع راسي واش ديك الهضرة لي قالتها زينب تكون بصح بقيت كنفكر حتى داني نعاس..الغد ليه مشيت لافاك كنت غادي داخل حتى وصلت واحد القنت هزيت عيني بان ليا الكبير واقف مع واحد الدرية حتى هي ملتازمة لابسة خمار، بقيت حاضيهوم من بعيد شوية بان ليا جبد واحد جواا وعطاه ليها..شوية تفرقو، الكبير مشى طلع وهي جاية جيهتي بقيت كنشوف فيها وكنحاول نعقل عليها مزيان حيت ماحدي خاشي راسي فهادشي خصني نكون عارف كولشي..عرفت راسي ماغنقدرش نعقل عليها بحكم هي لابسة خمار وكاينين دريات خرين كايلبسو بحالها تما لذلك قررت نتبعها وفنفس الوقت بقيت عاقل على لامارك واللون ديال سباط لي كانت لابسة وركزت شوية على فورمتها باش ندير احتياط..موهيم بقيت تابعها من بعيد حتى بانت ليا وقفات مع شي دريات ملتازمين ومشاو...تميت تابعهم شوية عيط ليا الكبير فتلفون باش نجي عندو لافاك الشيء لي غايخليني مانبقاش تابعها...صافي رجعت لافاك عند الكبير عطاني شي وراق باش نطبعهم ليه معايا فالليل ونجيبهم ليه قبل مايبدى الدرس فالمجمع..قلت ليه واخا ومشيت...وصل الليل طبعت الوراق وشديت الطريق للمجمع..مشيت شوية بكري يالاه وصلت سمعتو كايهضر فتلفون مع عادل شدني الفضول وبقيت كنسمعو شوية سمعتو قال ليه: عادل واش وصلتي على خير وديك الأمانة واش بلغتيها..ملي تلقى شي وقت تاصل بيا...أنا مع خفت يخرج ويلقاني كنتصنت نضت خرجت براا حتى دازت واحد 10 دقايق وهو يصوني عليا قال ليا فينك قلت ليه انا جاي..مع دخلت عندو عطيتو الوراق بقيت كنشوف فيه فكرت نسولو على عادل ولكن غادي يعرف بلي سمعت اش كان كيقول ليه لذلك درت بناقص ورجعت لواحد القنت وريحت فيه...شوية جا أيوب دخل وريح حدايا..شوية سولتو قلت ليه أيوب اشنو كايوقع هنا ؟..جاوبني مبتاسم قال ليا هادي هي طريق الجنة اصاحب...عرفت جوابو فيه بزااف مايتقال..مابغيتش نحكم من اللول قلت حتى نعرف كولشي دقة دقة..بقينا جالسين كنهضرو شوية دخلات واحد ختنا لابسة خمار دخلات عند الكبير كتهضر معاه وملي حققت فيها مزيان لقيتها هي هاديك لي كانت واقفة معاه فلافاك وتبعتها..شوية سولت أيوب قلت ليه شكون هادي قال ليا هادي بنت الكبير سميتها هبة...شوية سولتو قلت ليه وشنو كادير هنا ؟..قال ليا كاتعطي الدرس للدريات..سولتو واش مزوجة ولا شي حاجة..قال ليا لا..شوية خرجات ودخلو لخرين وبدى الكبير كايعطي الدرس وملي سالينا صلينا العشااء وكل واحد مشى فحالو..ولكن انا مامشيتش فحالي كنت بعيد شوية من المقر ديال المجمع وبقيت كنشوف من بعيد حتى بان ليا الكبير واقف مع بنتو كيهضرو مع واحد خونا معانا تما فالمجمع، بقاو كيهضرو شوية ركب معاهم ومشاو...انا فديك الفترة كنت ديجا كنحاول نعقل على كاع الوجوه وكنت كنحسب شحال ديال بنادم كاين وكل نهار كنحسب شحال من واحد حضر...موهيم الغد ليه جينا تاني للمجمع ولكن هاد المرة نقص واحد ماجاش وهو هذاك لي كان كيجلس جنب الكبير وهو هذاك لي كان واقف معاه هو وبنتو..قلت مع راسي ربما عندو شي غرض ومجاش ولكن الغد ليه تأكدت بلي عمرو غادي يرجع وبلي الكبير كايسيفطهم لشي قنت..الغد ليه جيت شوية معطل للمجمع لقيت أيوب جالس حدا الكبير وشاد بلاصة هذاك لي سيفطو الكبير لشي بلاصة....بقيت كنشوف فيه جالس حداه..موهيم سالا الدرس كولشي خرج فحالو..أنا بقيت برا كنتسنى أيوب حتى خرج وجبدت معاه الهضرة..قلت ليه كيفاش البلان ديالك..
قال ليا: وليت انا هو اليد ليمنة ديال الكبير..
- كيفاش زعما ؟
- انت باقي جديد ماغديش تفهم هادشي ومع الوقت غادي تفهم..
حسيت بيه مابغى يقول ليا والو وقلبت الموضوع..ولكن لي لفت انتباهي هو انه كان فرحان بزاف بحالا دار شي انجاز...مشيت فحالاتي الغد ليه عيط ليا أيوب باش نتلاقاو فلافاك وتلاقيت معاه تما جالسين كنهضرو شوية جا الكبير بقى واقف معانا وكيهضر معانا شوية هبطنا وتما جات بنت الكبير سلمات علينا ووقفات معانا..شوية قال ليا الكبير سير تسناني لهيه حتى نعيط ليك...مشيت وبقيت جاري معاهم من بعيد وعرفتهم كيهضرو على شي حاجة لي مبغاونيش نعرفها..بقيت حتى سالاو وعيطو ليا خرجت معاهم جيهة الباب..الكبير مشى مع بنتو وأيوب بقى معايا..ما سولتو ما والو حيت انا اصلا بديت كنفهم آش واقع تما..الحاجة الوحيدة لي طلبتها منو هي يجيب ليا خبار عادل..قال ليا واخا غادي نسولو ونرد عليك ومشينا فحالنا..وصل الليل ومشينا تاني للمجمع وكانت هاديك آخر ليلة غادي نشوف فيها أيوب حيت ملي خرجنا خليتو واقف مع الكبير شي نص ساعة وعرفت كاينة شي حاجة تما وحتى ملي خرج عندي قال ليا طهلا فراسك عندي شي غرض غادي نقضيه شي ايامات..سولتو قلت ليه واش غادي ترجع قال ليا حنا عند الله....يتبع (بعد قليل)
- آه وانت ؟
- انا قديم شوية هنا.
- آه..كاتعرف عادل ؟
- آه هذاك هو الكتف ليمن ديال الكبير..
- آه...شفتو غبر، ماعندكش عليه شي خبار ؟
- لا والله..
ساليت معاه الهضرة وتعرفت عليه..سميتو أيوب...موهيم مشيت فحالي وكيف العادة حاولت نتاصل ب عادل ساعة والو تلفون طافي..ريحت بقيت كنفكر وكنقول مع راسي واش ديك الهضرة لي قالتها زينب تكون بصح بقيت كنفكر حتى داني نعاس..الغد ليه مشيت لافاك كنت غادي داخل حتى وصلت واحد القنت هزيت عيني بان ليا الكبير واقف مع واحد الدرية حتى هي ملتازمة لابسة خمار، بقيت حاضيهوم من بعيد شوية بان ليا جبد واحد جواا وعطاه ليها..شوية تفرقو، الكبير مشى طلع وهي جاية جيهتي بقيت كنشوف فيها وكنحاول نعقل عليها مزيان حيت ماحدي خاشي راسي فهادشي خصني نكون عارف كولشي..عرفت راسي ماغنقدرش نعقل عليها بحكم هي لابسة خمار وكاينين دريات خرين كايلبسو بحالها تما لذلك قررت نتبعها وفنفس الوقت بقيت عاقل على لامارك واللون ديال سباط لي كانت لابسة وركزت شوية على فورمتها باش ندير احتياط..موهيم بقيت تابعها من بعيد حتى بانت ليا وقفات مع شي دريات ملتازمين ومشاو...تميت تابعهم شوية عيط ليا الكبير فتلفون باش نجي عندو لافاك الشيء لي غايخليني مانبقاش تابعها...صافي رجعت لافاك عند الكبير عطاني شي وراق باش نطبعهم ليه معايا فالليل ونجيبهم ليه قبل مايبدى الدرس فالمجمع..قلت ليه واخا ومشيت...وصل الليل طبعت الوراق وشديت الطريق للمجمع..مشيت شوية بكري يالاه وصلت سمعتو كايهضر فتلفون مع عادل شدني الفضول وبقيت كنسمعو شوية سمعتو قال ليه: عادل واش وصلتي على خير وديك الأمانة واش بلغتيها..ملي تلقى شي وقت تاصل بيا...أنا مع خفت يخرج ويلقاني كنتصنت نضت خرجت براا حتى دازت واحد 10 دقايق وهو يصوني عليا قال ليا فينك قلت ليه انا جاي..مع دخلت عندو عطيتو الوراق بقيت كنشوف فيه فكرت نسولو على عادل ولكن غادي يعرف بلي سمعت اش كان كيقول ليه لذلك درت بناقص ورجعت لواحد القنت وريحت فيه...شوية جا أيوب دخل وريح حدايا..شوية سولتو قلت ليه أيوب اشنو كايوقع هنا ؟..جاوبني مبتاسم قال ليا هادي هي طريق الجنة اصاحب...عرفت جوابو فيه بزااف مايتقال..مابغيتش نحكم من اللول قلت حتى نعرف كولشي دقة دقة..بقينا جالسين كنهضرو شوية دخلات واحد ختنا لابسة خمار دخلات عند الكبير كتهضر معاه وملي حققت فيها مزيان لقيتها هي هاديك لي كانت واقفة معاه فلافاك وتبعتها..شوية سولت أيوب قلت ليه شكون هادي قال ليا هادي بنت الكبير سميتها هبة...شوية سولتو قلت ليه وشنو كادير هنا ؟..قال ليا كاتعطي الدرس للدريات..سولتو واش مزوجة ولا شي حاجة..قال ليا لا..شوية خرجات ودخلو لخرين وبدى الكبير كايعطي الدرس وملي سالينا صلينا العشااء وكل واحد مشى فحالو..ولكن انا مامشيتش فحالي كنت بعيد شوية من المقر ديال المجمع وبقيت كنشوف من بعيد حتى بان ليا الكبير واقف مع بنتو كيهضرو مع واحد خونا معانا تما فالمجمع، بقاو كيهضرو شوية ركب معاهم ومشاو...انا فديك الفترة كنت ديجا كنحاول نعقل على كاع الوجوه وكنت كنحسب شحال ديال بنادم كاين وكل نهار كنحسب شحال من واحد حضر...موهيم الغد ليه جينا تاني للمجمع ولكن هاد المرة نقص واحد ماجاش وهو هذاك لي كان كيجلس جنب الكبير وهو هذاك لي كان واقف معاه هو وبنتو..قلت مع راسي ربما عندو شي غرض ومجاش ولكن الغد ليه تأكدت بلي عمرو غادي يرجع وبلي الكبير كايسيفطهم لشي قنت..الغد ليه جيت شوية معطل للمجمع لقيت أيوب جالس حدا الكبير وشاد بلاصة هذاك لي سيفطو الكبير لشي بلاصة....بقيت كنشوف فيه جالس حداه..موهيم سالا الدرس كولشي خرج فحالو..أنا بقيت برا كنتسنى أيوب حتى خرج وجبدت معاه الهضرة..قلت ليه كيفاش البلان ديالك..
قال ليا: وليت انا هو اليد ليمنة ديال الكبير..
- كيفاش زعما ؟
- انت باقي جديد ماغديش تفهم هادشي ومع الوقت غادي تفهم..
حسيت بيه مابغى يقول ليا والو وقلبت الموضوع..ولكن لي لفت انتباهي هو انه كان فرحان بزاف بحالا دار شي انجاز...مشيت فحالاتي الغد ليه عيط ليا أيوب باش نتلاقاو فلافاك وتلاقيت معاه تما جالسين كنهضرو شوية جا الكبير بقى واقف معانا وكيهضر معانا شوية هبطنا وتما جات بنت الكبير سلمات علينا ووقفات معانا..شوية قال ليا الكبير سير تسناني لهيه حتى نعيط ليك...مشيت وبقيت جاري معاهم من بعيد وعرفتهم كيهضرو على شي حاجة لي مبغاونيش نعرفها..بقيت حتى سالاو وعيطو ليا خرجت معاهم جيهة الباب..الكبير مشى مع بنتو وأيوب بقى معايا..ما سولتو ما والو حيت انا اصلا بديت كنفهم آش واقع تما..الحاجة الوحيدة لي طلبتها منو هي يجيب ليا خبار عادل..قال ليا واخا غادي نسولو ونرد عليك ومشينا فحالنا..وصل الليل ومشينا تاني للمجمع وكانت هاديك آخر ليلة غادي نشوف فيها أيوب حيت ملي خرجنا خليتو واقف مع الكبير شي نص ساعة وعرفت كاينة شي حاجة تما وحتى ملي خرج عندي قال ليا طهلا فراسك عندي شي غرض غادي نقضيه شي ايامات..سولتو قلت ليه واش غادي ترجع قال ليا حنا عند الله....يتبع (بعد قليل)
بقلــم: الـﺴـــــــﺎﻋــــﺮ
Commentaires