"قصتـــــي مـــع الإكتئـــــــاب"
بــــــارت 6.
....يالاه وقفت قدامو جبد معايا بجوج تصرفيقات وقال ليا سير تجلس...
مشيت ريحت وبقيت حادر راسي وعرفت بلي دوك تصرفيقات على قبل البلان لي دارتو معايا زينب..ريحت شوية جاو لخرين وبدى يفتي الدرس ديال الجهاد عاوتاني..انا بقيت غير كنفكر فهادشي لي خشيت فيه راسي من جهة والمصير ديال عادل لي مابقيت عارف عليه والو من جهة خرى..بقيت جالس داير راسي كنتصت ليه حتى سالا الدرس وصلينا كيف العادة..يالاه نضت باش نمشي فحالي قال ليا تسنى انت..بقى كيتسنى حتى خرجو لخرين وسولني وقال ليا: بلا شك عرفتي علاش ضربتك..كذبت وقلت ليه لا..قال ليا: لمن كنت كنعاود زابوري داك نهار..شوية قال ليا شوف ماحدك داخل لهاد المجمع وماحدك وافقتي داك نهار دابا خصك تلتازم بالقواعد والقوانين لي كنلتازمو بيها حنا أتباع الله..واش كاتفهم ؟..ممنوع تهضر مع الدريات ممنوع تسلم عليهم ممنوع تجلس معاهم وممنوع دير شي علاقة معاهم خارج حدود الشرع..وأهم شيء ممنوع دير شي حاجة بلا متشاور معايا..واش كاتفهم هاد الهضرة ؟..حدرت راسي وقلت ليه سمح ليا..قال ليا داكشي لي درتي مايبغيه لا الله لا عبدو وجمع راسك شوية يالاه سير بحالك دابا وكون راجل ماتكونش دري صغير..قلت ليه واخا ومشيت فحالي للدار..عاودت عيطت لعادل قلت ربما يكون شعل تلفون ساعة والو مكيجاوبش تقول بلعاتو الأرض..بقيت جالس كنفكر شوية جبدت النمرة ديال زينب وعيطت ليها..جاوباتني قالت ليا من كبيلة وانا كنتسناك تعيط..
- وباش عرفتيني غادي نعيط ؟
- ماشي مهم تعرف..المهم كنت عارفاك غادي تعيط وغادي تفركع عليا..
- واخا..علاش درتي معايا داك البلان كبيلة ؟..كنتي عارفاه جاي من وراك ودرتي داك البلان بلعاني علاش ؟
- درت هكاك باش تفيق من النعاس وتحل عينيك وتشوف راسك فين لايح راسك..
- كيفاش..مالي اشنو درت ؟
- شوف عبد الله الهضرة فالتلفون مادايرة والو..واش نقدر نشوفك ؟
- علاش ؟
- باغة نهضر معاك غير مرة وحدة..ماتردهاش فوجهي..واخا عارفة صعيب عليك تلاقى معايا غير وافق وخليني نشوفك، نجي عندك حتال دار موهيم نهضر معاك..
- واخا غدا فالعشية فلافاك..
- ويلا شافك الكبير ؟
- ماغديش يكون غدا..
الغد ليه مشيت عندها لقيتها كتسناني..سلمت عليها وريحت..جالسين كنهضرو شوية قالت ليا علاش وصلتي لهاد الحالة..كنتي بيخير قبل ماتعرف على هاد الناس..
- خلينا فالمهم دابا..قلتي ليا بغيتي نتلاقاو باش تقولي ليا شي حاجة..أنا كانسمع ليك..
- قالت ليا: شوف أعبد الله دوك الناس را وراهوم شي حاجة كنقسم ليك بالله را قلبي مامرتاحش ليهم وحاسة غادة توقع لك شي حاجة لي انت براسك عمرك ماتخيلتيها، شي حاجة خايبة بزااف لي غادة تآديك وتآديني معاك وتآدي واليديك..شوف بعد منهم شد طريقك بوحدك انا ماقلتش لك ماتصليش وماتعبدش الله بالعكس انا ملي عرفتك دخلتي سوق راسك حسيت بيك راجل وفرحت حيت لقيتي ذاتك فطريق الله..ولكن أعبد الله ماشي بهاد الطريقة وماشي مع هاد الناس وخصك تعرف را دوك الناس كينتاميو لواحد الفصيل ديما خارج للجنب وكولشي كاينفر منهم..خصك تعرف أعبد الله دوك الناس واخا لابسين الدين والالتزام را هازين الشر فقلوبهم..هادشي باش حاسة وكون مكنتش خايفة عليك منهم مانحرقش معاك دمي..سمعني ولو مرة وحدة فحياتك وبعد من ديك الطريق فكر غير لميمتك..
- صافي هادشي لي بغيتي تقولي ليا ؟
- آه را كيهمني أمرك بزاف.
- واخا سمعيني نقولك..حتى ايلا كانت هاد الهضرة لي قلتي بصح فين كاين المشكل ؟ العالم قاصح..العالم مارحمنيش ملي لاحوني دوك لي ولدوني باعوني وهربو دوك لي كتقولي ليا فكر ليهم عمرهم مافكرو ليا..العالم مايستاهلش نتقلق على قبلو..العالم قاصح..شكون غايحس بيا ويقبل عليا وانا طفل غير شرعي..وانا ولدوني جوج ديال الناس كانو باغين غير يزهاو ويفرغو الكبت ديالهم..أنا ماعنديش واليديا لي غادي نفكر ليهم ونتقلق عليهم ولا يتقلقو عليا..واش كاتفهمي ؟ أنا طفل غير شرعي..أنا خطأ..أنا حياتي ماعندها حتى معنى من نهار عرفت الحقيقة، علاش غاتلوميني نتي ولا غيرك ؟ علاش غادي نتقلق ؟ شكون رحمني ملي وليت بحال شي سلعة واحد يبيعني لواحد خر ؟ غير قولي ليا علاش بغيتيني نبعد على الكبير وعادل وهوما لي حسيت بيهم فهموني وحسو بيا ؟ علاش بغيتيني نكذب على راسي..أنا سلعة أنا طفل غير شرعي وواليديا باعوني وهربو..كيفاش بغيتيني نكون بيخير ؟ كيفاش بغيتيني نكون مزيان أزينب ؟..ويلا كان هادشي بصح لي قلتي ليا بلي دوك الناس من وراهم شي حاجة ومخبين شي حاجة، انا مستعد ليها نديرها..ماعنديش مشكل..مابقى عندي مانخسر..عندي زايد ناقص كيف مت كيف حييت حياتي مابقى عندها حتى معنى..كاتفهمي ؟
- حاسة بك ولكن..
- محاساش بيا..ومابغيتكش تعاطفي معايا..أنا هكا بغيت ولا كرهت وغانبقى هكا...بلا متسنايني مازال..
...كانت هادي هي الهضرة لي ضارت بيناتنا داك النهار..حسيت بيها مابقاتش قادرة تهضر حيت اصلا مابقى عندها ماتقول..هزيت شكارتي ومشيت فحالاتي..فالليل مشيت حضرت للدرس كيف العادة وتلاقيت مع الكبير وصلينا العشااء وملي سالينا وخرجت بان ليا داك الدري لي كان جراا عليه الكبير ومشيت عندو سلمت عليه جبدت معاه الهضرة قلت ليه مالك مع الكبير قال ليا والو غير كان كاعي عليا..قلت ليه واش طلبتي منو سماحة..قال ليا آه صافي حليت المشكل..شوية سولني قال ليا: واش انت جديد هنا ؟....يتبع
مشيت ريحت وبقيت حادر راسي وعرفت بلي دوك تصرفيقات على قبل البلان لي دارتو معايا زينب..ريحت شوية جاو لخرين وبدى يفتي الدرس ديال الجهاد عاوتاني..انا بقيت غير كنفكر فهادشي لي خشيت فيه راسي من جهة والمصير ديال عادل لي مابقيت عارف عليه والو من جهة خرى..بقيت جالس داير راسي كنتصت ليه حتى سالا الدرس وصلينا كيف العادة..يالاه نضت باش نمشي فحالي قال ليا تسنى انت..بقى كيتسنى حتى خرجو لخرين وسولني وقال ليا: بلا شك عرفتي علاش ضربتك..كذبت وقلت ليه لا..قال ليا: لمن كنت كنعاود زابوري داك نهار..شوية قال ليا شوف ماحدك داخل لهاد المجمع وماحدك وافقتي داك نهار دابا خصك تلتازم بالقواعد والقوانين لي كنلتازمو بيها حنا أتباع الله..واش كاتفهم ؟..ممنوع تهضر مع الدريات ممنوع تسلم عليهم ممنوع تجلس معاهم وممنوع دير شي علاقة معاهم خارج حدود الشرع..وأهم شيء ممنوع دير شي حاجة بلا متشاور معايا..واش كاتفهم هاد الهضرة ؟..حدرت راسي وقلت ليه سمح ليا..قال ليا داكشي لي درتي مايبغيه لا الله لا عبدو وجمع راسك شوية يالاه سير بحالك دابا وكون راجل ماتكونش دري صغير..قلت ليه واخا ومشيت فحالي للدار..عاودت عيطت لعادل قلت ربما يكون شعل تلفون ساعة والو مكيجاوبش تقول بلعاتو الأرض..بقيت جالس كنفكر شوية جبدت النمرة ديال زينب وعيطت ليها..جاوباتني قالت ليا من كبيلة وانا كنتسناك تعيط..
- وباش عرفتيني غادي نعيط ؟
- ماشي مهم تعرف..المهم كنت عارفاك غادي تعيط وغادي تفركع عليا..
- واخا..علاش درتي معايا داك البلان كبيلة ؟..كنتي عارفاه جاي من وراك ودرتي داك البلان بلعاني علاش ؟
- درت هكاك باش تفيق من النعاس وتحل عينيك وتشوف راسك فين لايح راسك..
- كيفاش..مالي اشنو درت ؟
- شوف عبد الله الهضرة فالتلفون مادايرة والو..واش نقدر نشوفك ؟
- علاش ؟
- باغة نهضر معاك غير مرة وحدة..ماتردهاش فوجهي..واخا عارفة صعيب عليك تلاقى معايا غير وافق وخليني نشوفك، نجي عندك حتال دار موهيم نهضر معاك..
- واخا غدا فالعشية فلافاك..
- ويلا شافك الكبير ؟
- ماغديش يكون غدا..
الغد ليه مشيت عندها لقيتها كتسناني..سلمت عليها وريحت..جالسين كنهضرو شوية قالت ليا علاش وصلتي لهاد الحالة..كنتي بيخير قبل ماتعرف على هاد الناس..
- خلينا فالمهم دابا..قلتي ليا بغيتي نتلاقاو باش تقولي ليا شي حاجة..أنا كانسمع ليك..
- قالت ليا: شوف أعبد الله دوك الناس را وراهوم شي حاجة كنقسم ليك بالله را قلبي مامرتاحش ليهم وحاسة غادة توقع لك شي حاجة لي انت براسك عمرك ماتخيلتيها، شي حاجة خايبة بزااف لي غادة تآديك وتآديني معاك وتآدي واليديك..شوف بعد منهم شد طريقك بوحدك انا ماقلتش لك ماتصليش وماتعبدش الله بالعكس انا ملي عرفتك دخلتي سوق راسك حسيت بيك راجل وفرحت حيت لقيتي ذاتك فطريق الله..ولكن أعبد الله ماشي بهاد الطريقة وماشي مع هاد الناس وخصك تعرف را دوك الناس كينتاميو لواحد الفصيل ديما خارج للجنب وكولشي كاينفر منهم..خصك تعرف أعبد الله دوك الناس واخا لابسين الدين والالتزام را هازين الشر فقلوبهم..هادشي باش حاسة وكون مكنتش خايفة عليك منهم مانحرقش معاك دمي..سمعني ولو مرة وحدة فحياتك وبعد من ديك الطريق فكر غير لميمتك..
- صافي هادشي لي بغيتي تقولي ليا ؟
- آه را كيهمني أمرك بزاف.
- واخا سمعيني نقولك..حتى ايلا كانت هاد الهضرة لي قلتي بصح فين كاين المشكل ؟ العالم قاصح..العالم مارحمنيش ملي لاحوني دوك لي ولدوني باعوني وهربو دوك لي كتقولي ليا فكر ليهم عمرهم مافكرو ليا..العالم مايستاهلش نتقلق على قبلو..العالم قاصح..شكون غايحس بيا ويقبل عليا وانا طفل غير شرعي..وانا ولدوني جوج ديال الناس كانو باغين غير يزهاو ويفرغو الكبت ديالهم..أنا ماعنديش واليديا لي غادي نفكر ليهم ونتقلق عليهم ولا يتقلقو عليا..واش كاتفهمي ؟ أنا طفل غير شرعي..أنا خطأ..أنا حياتي ماعندها حتى معنى من نهار عرفت الحقيقة، علاش غاتلوميني نتي ولا غيرك ؟ علاش غادي نتقلق ؟ شكون رحمني ملي وليت بحال شي سلعة واحد يبيعني لواحد خر ؟ غير قولي ليا علاش بغيتيني نبعد على الكبير وعادل وهوما لي حسيت بيهم فهموني وحسو بيا ؟ علاش بغيتيني نكذب على راسي..أنا سلعة أنا طفل غير شرعي وواليديا باعوني وهربو..كيفاش بغيتيني نكون بيخير ؟ كيفاش بغيتيني نكون مزيان أزينب ؟..ويلا كان هادشي بصح لي قلتي ليا بلي دوك الناس من وراهم شي حاجة ومخبين شي حاجة، انا مستعد ليها نديرها..ماعنديش مشكل..مابقى عندي مانخسر..عندي زايد ناقص كيف مت كيف حييت حياتي مابقى عندها حتى معنى..كاتفهمي ؟
- حاسة بك ولكن..
- محاساش بيا..ومابغيتكش تعاطفي معايا..أنا هكا بغيت ولا كرهت وغانبقى هكا...بلا متسنايني مازال..
...كانت هادي هي الهضرة لي ضارت بيناتنا داك النهار..حسيت بيها مابقاتش قادرة تهضر حيت اصلا مابقى عندها ماتقول..هزيت شكارتي ومشيت فحالاتي..فالليل مشيت حضرت للدرس كيف العادة وتلاقيت مع الكبير وصلينا العشااء وملي سالينا وخرجت بان ليا داك الدري لي كان جراا عليه الكبير ومشيت عندو سلمت عليه جبدت معاه الهضرة قلت ليه مالك مع الكبير قال ليا والو غير كان كاعي عليا..قلت ليه واش طلبتي منو سماحة..قال ليا آه صافي حليت المشكل..شوية سولني قال ليا: واش انت جديد هنا ؟....يتبع
بقلــم: الـﺴـــــــﺎﻋــــﺮ
Commentaires