"قصتـــــي مـــع الإكتئـــــــاب"
بــــــارت 3.
..مشيت للدار داخل مكونكطي شوية سيفطات ليا زينب ميصاج كاتقول ليا ما بلان ماوالو درتي معايا...مجاوبتهاش شوية قلت ليها فوتيني عليك را منصلاحش ليك..شوية سولاتني: علاش وليتي هكا علاش وليتي بحال المونيكة يحركوك ويتحكمو فيك كيف بغاو واش هو لي غادي يوريك اشنو خاصك دير واش هو لي غادي يوريك معامن تجلس ومعامن توقف ولا يمكن انت ماشي راجل، ملي انت مافيدكش وملي عارف انك غاتخليني فنص الطريق علاش ماقلتيهاش ليا النهار اللول...مجاووبتهاش؛ كنت متردد باش نجاوبها ونقوليها باش كنحس ولكن قلت مكاين لاش غمضت عيني وبلوكيتها..حتى من النمرة بدلتها، درت نمرة جديدة الشخص الوحيد لي كنهضر معاه فيها هو عادل..موهيم بقات الأمور على هاد الحال حتال واحد النهار غاتجي فيه جدة للدار كنت أنا والواليد وهي..كنا جالسين شوية جبدات ليا حس الزواج وقالت ليا انت دابا كبرتي وقاد براسك ودابا دخلتي سوق راسك خصك غير شي مرا..شوية قلبتها بالضحك قلت ليها واخا جدة شوفي لينا شي درية من دوقك انتي..عجبها الحال شوية سمعت تلفون كيصوني فالبيت لاخر نضت قلت ليهم نمشي نجاوب ونرجع..مشيت يالاه هزيت تلفون وهو يقطع وانا راجع وانا نسمع جدة قالت للواليد عبدالله صدق لك حسن من ولادك لي ولدتيهم من دمك..صراحة تصدمت ملي سمعت هاد الهضرة، اينفوا دخلت عندهم وهي تسكت والواليد حدر راسو..بغيت ندوي وماقدرت نقول والو..درت راسي ماسمعت والو..بقيت كنقول فراسي راني غير كنتخايل..بقيت مصبر راسي باش ننسى انني سمعت شي حاجة ومانقول حتى كلمة..بقيت ساكت، شوية سولاتني جدة شكون عيط لك قلت ليها غير صاحبي عادل..شوية أدن العشااء قلت ليهم نمشي للجامع ونرجع...خرجت والدموع فعيني ماقدرتش ندخل نصلي رجعت من باب جامع وقصدت الكوان لي كنت كنجلس فيه..حسيت بالدنيا ضارت بيا وبقيت كنسول علاش كايوقع ليا هادشي علاش أنا بالضبط ؟ علاش علاش اشنو درت واشنو دنبي يطرا ليا هادشي..جالس كنبكي وكنصبر راسي وكنقول مكاين والو وداكشي لي سمعت ماشي بصح..أنا غير كنتخايل..هادشي ميمكنش يكون بصح..بقيت تما حتى تكالميت ورجعت للدار لقيتهم نعسو..الغد ليه الواليد مشى وصل جدة ورجع فالعشية للدار..لقاني كنتسناه باش نعرف منو جواب واحد..خليتو حتى جلس ورتاح شوية وسولتو..قلت ليه الواليد داكشي لي سمعت البارح بصح ؟..قاليا اشمن شي اشنو سمعتي اولدي..قلت ليه سمعت جدة قالت ليك بلي انا صدقت ليك حسن من ولادك لي ولدتيهم من دمك واش هادشي بصح واش بصح انا ماشي ولدك من دمك وبلا ماتكذب عليا ؟..جاوبني قال ليا ماشي بصح وحدر راسو..قلت ليه الواليد راني قلت لك ماتكذبش عليا غير قول ليا اشنو كاين..شوية قرر يصارحني بكولشي وقال ليا بلي انت ماشي ولدي وحتى هاديك لي ماتت ماشي مك..سولتو وشكوناهوما واليديا ؟..قال ليا بلي شي مراا باعتني ليهم ملي كنت باقي صغير..شي مرا كانت ناعسة مع شي حد وهرب عليها وملي ولداتني باعتني ليهم وهربات لطاليان..يعني أنا طفل غير شرعي وعاد عرفت علاش حياتي دايرة هكاا..عاد عرفت علاش عايش فالجحيم من نهار حليت عيني..مسحت دموعي ونضت..قال ليا فين غادي؛ قلت ليه ماديرش فراسك والله يخلف عليكم على كاع داكشي لي داز وعلى كاع داكشي لي درتو معايا انا غادي نخرج ونرجع، حاولت مانبينش ليه الضعف ديالي والحگرة لي حسيت بيها والعافية لي شاعلة فيا...خرجت مشيت لداك الكوان عاوتاني..بقيت جالس كانبكي وكنشوف فالسمااء..كنحاول نستوعب هادشي وكنتساؤل اشنو غاندير دابا..من بعدما عرفت انني ماعندي لا أصل لا فصل ومن بعدما عرفت انني نتيجة ديال علاقة غير شرعية..حيت من بعد هاد اللحظة حياتي مابقى عندها حتى معنى..فشلت مابقيت باغي ندير والو..مابقى عندي والو لا أهداف لا أحلام لا والو..فقط المعاناة والألم كثر من القياس..شوية تفكرت الهضرة ديال عادل ملي قال ليا العالم قاصح بزاف..الفكرة الوحيدة لي طاحت ليا فراسي هي الانتقام وأول وحدين طاحو ليا فراسي هوما دوك جوج لي ولدوني..كنفكر كيفاش نوصل ليهم كنت كنقسم بالله بلي غادي نجاهد فيهم ونمشي عليهم للحبس ولكن معرفتهومش فين كاينين..من ورا هاد اللحظة مابقيتش بنادم، وليت بحال شي آلة باغة تقتل بدون رحمة..من ورا هاد اللحظة دفنت راسي..بقيت جالس كنفكر شوية عادل كيعيط ليا فتلفون باش نمشي عندو للدار وفعلا هادشي لي درت..مسحت دموعي ومشيت عندو جالسين كنهضرو شوية قال ليا غادي نعرفك على شي ناس غدا فلافاك وجد راسك..قلت ليه واخا..الغد ليه مشيت لافاك بكري شوية ومشيت لواحد القنت وريحت فيه بينما وصل الوقت لي دار معايا فيه عادل شوية شافتني زينب وجات عندي..ماسلماتش عليا حيت عرفاتني مغنردش عليها جات ريحات حدايا وقالت ليا راك كتقتل راسك ومعايقش وهذاك ايلا تبعتيه را غايخرج عليك ولي بغيت نقوليك انا مكيهمنيش انك تبعد عليا ولكن على الأقل عيش حياتك كيف بغيتي ماشي كيف بغاو هوما..قلت ليها شكرا، خصني نمشي هاد ساعة ومشيت باش نتلاقى مع عادل ودوك ناس لي غايعرفني عليهم...يتبع
بقلــم: الـﺴـــــــﺎﻋــــﺮ
Commentaires