قصتـــــي مـــع الإكتئـــــــاب"
بــــــارت 2.
..قلت ليه واخا ومشينا فحالنا..فديك الليلة رجعت للدار جالس بوحدي شوية بديت كنتعصب غير بوحدي لي لقيتها كانشير بيها..كانت هادي الآثار ديال القطعة ديال البلية ولكن مع ذلك ماستسلمتش حيت مبقيتش باغي نرجع كيف كنت..من ورا داك نهار وليت عاطي الوقت للصلاة وجامع ومرة مرة كانريح مع عادل كايهضر معايا فداكشي ديال الدين وكنحاول نتجاوز ديك المرحلة..دازت ليام هكاا ولكن مع الوقت مبقيناش كنتفاهمو انا وياه حيت كنت تعرفت على واحد درية رباطية قديمة تما فلافاك سميتها زينب ودرت معاها علاقة وكنت كنجلس معاها بزاف وهو كان داز وشافني معاها واحد المرة ماقال ليا لا سلام لا والو حيت هو ضد هادشي..كان انسان ملتازم وشاد تيقار..فالليل ريحت معاه كيف العادة ولكن هاد المرة كان كاعي عليا..سولتو علاش ماقلتيش ليا سلام ملي شفتيني مع درية قاليا ماشفتكش..ولكن ملي حكرت معاه قال ليا: حيدتي البلية ورجعتي لبلية خرى وهادشي را ماشي معقول ويلا كنتي غادير لي فراسك بلا متبقى تكذب على راسك وتكذب عليا ومن الاحسن كاع دير لي بغيتي..قلت ليه واخا شنو ندير قال ليا الدريات بعد منهم ايلا بغيتي تكون بيخير وتبقى عزيز عليا وخصك تعرف راني باغي غير مصلاحتك..قلت ليه واخا وفعلا داكشي لي درت بحكم هو كان كبر مني كنت كنحسبو بحال خويا الكبير وكنت متأثر بيه بزاف وتايق فيه ثقة العمى فالظلمة، وحيت كان ديما فجنبي لذلك اي حاجة كان كيقولها ليا كنديرها ماكنترددش فيها..وكنت نقدر نخسر كولشي على قبلو هو..الغد ليه بالصدفة تلاقيت معاها فلافاك وهو كان جاي من ورايا..طحت فواحد الموقف خايب ماعرفت ماندير؛ بقيت كنقول واش نسلم عليها ولا ننكرها ولا شنو..شوية جا هو قال ليا تسنى تسنيتو حتى وصل عندي ومشينا عندها..قالت لينا سلام سلام، شوية قاليها اشنو سميتك قالت ليه زينب علاش ؟ شوية قاليها هذا (عليا أنا) قاليها هذا خويا وهو لي عندي ومنبغيش نشوفك معاه مرة خرى الله يستر عليك، نسايه وشوفي شي حد خر..بقات كتشوف فيا قالت ليه واخا..كنحس بيها بحالا كتعرفو كنت بغيت ندوي ولكن ماقدرت نقول والو..صافي مشات فحالها وحنا مشينا صلينا فجامع ديال لافاك وقبل مانمشيو قال ليا سير تسناني لهيه تانجي عندك، مشيت للقنت وبقيت جاري معاه كنشوف فيه من بعيد، شفتو واقف مع شي لحايا ملتزمين معرفتش علاياش كانو كيهضرو..واخا كنت حاس بلي كاينة شي حاجة مخبيها عليا، بقيت واقف حتى سالا وجا عندي ومشينا فحالنا ودار معايا نتلاقاو فجامع نصليو لعشاا..وصل وقت العشاء ومشيت صلينا مجموعين وملي سالينا تمينا خارجين وسولتو قلت ليه علاش هضرتي مع ديك الدرية بديك الطريقة..قال ليا باش تبعد منك حيت كولهم عاهرات تابعين غير مصلاحتهم وماخصكش تيق فيهوم..قلت ليه وشكون هادوك لحايا لي كنتي واقف معاهم فلافاك..مجاوبنيش قال ليا علاش كتسول بزاف فشي حاجة باسلة وتافهة..سولني فالدين ولا فشي حاجة لي غاتنفعك..قلت ليه صافي واخا..مشينا فحالاتنا..مشيت للدار داخل مكونكطي شوية سيفطات ليا زينب ميصاج كاتقول ليا ما بلان ماوالو درتي معايا...يتبع
بقلــم: الـﺴـــــــﺎﻋــــﺮ
Commentaires