" المقــــــــﺎطعــــة"
إنتهــــى وقـــــت الصمــــــت.
ربما حنا شعب فقير حيت غلباتنا الظروف، وربما تم استغلالنا واحتقارنا واستعبادنا بكاع الأساليب، ربما سكتنا سنين وسنين، كنصبرو نهار على نهار..كانقضيو من هنا ومن هنا وكانقلبو ساعة بخرى وكنقولو دابا تزيان..باش مانتفرگعوش، ولكن كنا ديما كانردو للداخل ديالنا حيت طبعا هاد الوضع صعيب باش تستحملو وبزاف سالات بيهم فحافة الانتحار وراكم عارفين كولشي، واللوم علامن كنا كانلقيوه ؟ طبعا عليهم، كنقولو عليهن أنهم ماقدروش يصبرو وقتلو ريوسهم وهذا هو السؤال علاش ماقدروش يصبرو...حيت عيااو وغلباتهم الظروف وحتى فاش كانو كيحتجو ويطالبو بحقوقهم ولقمة العيش بوحدهم تاواحد ماكان كايتسوق ليهم ولا يضرب ليهم حساب وحتى حنا مكناش كنتسوقو ليهم كنشوفو ونسكتو وبالتالي كيبان ليهم حل واحد هو يديرو حد لحياتهم...اليوم جات حملة المقاطعة ووحدات الشعب على شعار واحد وربما هادي أول مرة غادي يتاحد فيها الشعب كامل ولأول مرة الشعب قدر يتافق على قرار واحد كيخدم مصلحة الفقراء والطبقات الكادحة لي هو تخفيض الأسعار من بعد سنين ديال الإسغلال فالزيادات والمقاطعة راها ناجحة والدليل تصريحات الاستغلاليين والحديث ديال وسائل الاعلام عليها..وانا متأكد ايلا استمرات هاد المقاطعة لمدة شهر غادي تقضي على هاد الاستغلاليين...هنا لي بغيت نشير ليه ماشي هو المقاطعة..وإنما القدرة ديال الشعب فاتخاد قرار موحد والقدرة ديال الشعب على توجيه الرأي للطريق لي بغى وكولكم شفتو ردود الأفعال والتصريحات ديال دوك الاستغلاليين...شي كيوصفنا بالمداويخ وشي كيقول حنا كنخربقو وكلا وشنو كيقول..وهذا دليل على الضربة لي كمدناهوم بيها...هاد المقاطعة وثقافة المقاطعة غاتكون هي السلاح ديالنا من هنا القدام..من هنا القدام غانوليو نتحاسبو على كولشي، كل صغيرة وكبيرة فأي مجال وفأي حاجة حنا لي غادين نقررو وهوما لي غادين ينفدو..حنا لي غادين نهضرو وهوما لي غادين يتصنتو..حنا لي حاكمين ماشي هوما...حيت بينا حنا دارو دوك الفلوس..وبينا حنا شدو دوك المناصب..وبينا حنا طلعو ووصلو وعطاونا بالظهر ودابا وصل الوقت باش نهضرو ولا نسكتو بمرة..ثقافة المقاطعة هي السلاح والخطوة اللولة فالتغيير..لي غانتحاسبو بيها مع الدولة ومع النظام الملكي شخصيا وداك الضوصي ديال الثروات راه مانسيناهش كولشي غانتحاسبو عليه من بعد...ودوك الوزراء ديال المصلحة حتى هوما غنتحاسبو معاهم ومن هنا للقدام يا خدم يا خوي الطريق أما بالنسبة لدوك الاحتكاريين نقصتو الأسعار ودرتو الأسعار لي بغينا حنا ولي كتناسب القدرة الشرائية ديالنا مرحبا أفيك بليزير نستهلكو المنتوج ديالكم..زدتو الأسعار واحتاكرتونا ورجعتونا دمادم غا خليوه يريب نقضيو غير بالما والخبز ونمشيو على رجلينا...وهادي غير البداية..وباش نختم حنا مامحتاجينش لدوك المشاهير والفنانين لي كيركبو على ظهر الموجة باش يدعمونا حيت حتى هوما حنا لي صنعناهوم وحنا لي طلعناهوم وحنا لي وصلناهوم وعطيناهوم قيمة والمخير فيهم اليوم ولا كيكلاشينا ونسى كيف كان ملي كان محشر، ويلا فعلا كيهمهم أمر المقاطعة فين كانو شحال هادي ؟ فين كانو فحراك الريف وجرادة ؟ فين كانو فالوقفات والمظاهرات ديال شحال هادي ؟ طبعا مكانوش حيت عمرهم غايكونو فشي موقف مكيخدمش مصالحهم الشخصية وانطلاقا من هنا حنا مامحتاجينش ليهم لا هوما لا غيرهم..يكفي ان ثقافة المقاطعة تكون فكل واحد فينا وتكون فالدماغ ديال كل واحد فينا ونآمنو بيها كسلاح واعي راقي ونكونو شعب واحد ولو لأول مرة فحياتنا وتيقو بيا غاتشوفو مغريب آخر...ماكيحكمو لا نظام لا والو..وانما كايحكمو الشعب...
#مقاطعون
#الساعر
إنتهــــى وقـــــت الصمــــــت.
ربما حنا شعب فقير حيت غلباتنا الظروف، وربما تم استغلالنا واحتقارنا واستعبادنا بكاع الأساليب، ربما سكتنا سنين وسنين، كنصبرو نهار على نهار..كانقضيو من هنا ومن هنا وكانقلبو ساعة بخرى وكنقولو دابا تزيان..باش مانتفرگعوش، ولكن كنا ديما كانردو للداخل ديالنا حيت طبعا هاد الوضع صعيب باش تستحملو وبزاف سالات بيهم فحافة الانتحار وراكم عارفين كولشي، واللوم علامن كنا كانلقيوه ؟ طبعا عليهم، كنقولو عليهن أنهم ماقدروش يصبرو وقتلو ريوسهم وهذا هو السؤال علاش ماقدروش يصبرو...حيت عيااو وغلباتهم الظروف وحتى فاش كانو كيحتجو ويطالبو بحقوقهم ولقمة العيش بوحدهم تاواحد ماكان كايتسوق ليهم ولا يضرب ليهم حساب وحتى حنا مكناش كنتسوقو ليهم كنشوفو ونسكتو وبالتالي كيبان ليهم حل واحد هو يديرو حد لحياتهم...اليوم جات حملة المقاطعة ووحدات الشعب على شعار واحد وربما هادي أول مرة غادي يتاحد فيها الشعب كامل ولأول مرة الشعب قدر يتافق على قرار واحد كيخدم مصلحة الفقراء والطبقات الكادحة لي هو تخفيض الأسعار من بعد سنين ديال الإسغلال فالزيادات والمقاطعة راها ناجحة والدليل تصريحات الاستغلاليين والحديث ديال وسائل الاعلام عليها..وانا متأكد ايلا استمرات هاد المقاطعة لمدة شهر غادي تقضي على هاد الاستغلاليين...هنا لي بغيت نشير ليه ماشي هو المقاطعة..وإنما القدرة ديال الشعب فاتخاد قرار موحد والقدرة ديال الشعب على توجيه الرأي للطريق لي بغى وكولكم شفتو ردود الأفعال والتصريحات ديال دوك الاستغلاليين...شي كيوصفنا بالمداويخ وشي كيقول حنا كنخربقو وكلا وشنو كيقول..وهذا دليل على الضربة لي كمدناهوم بيها...هاد المقاطعة وثقافة المقاطعة غاتكون هي السلاح ديالنا من هنا القدام..من هنا القدام غانوليو نتحاسبو على كولشي، كل صغيرة وكبيرة فأي مجال وفأي حاجة حنا لي غادين نقررو وهوما لي غادين ينفدو..حنا لي غادين نهضرو وهوما لي غادين يتصنتو..حنا لي حاكمين ماشي هوما...حيت بينا حنا دارو دوك الفلوس..وبينا حنا شدو دوك المناصب..وبينا حنا طلعو ووصلو وعطاونا بالظهر ودابا وصل الوقت باش نهضرو ولا نسكتو بمرة..ثقافة المقاطعة هي السلاح والخطوة اللولة فالتغيير..لي غانتحاسبو بيها مع الدولة ومع النظام الملكي شخصيا وداك الضوصي ديال الثروات راه مانسيناهش كولشي غانتحاسبو عليه من بعد...ودوك الوزراء ديال المصلحة حتى هوما غنتحاسبو معاهم ومن هنا للقدام يا خدم يا خوي الطريق أما بالنسبة لدوك الاحتكاريين نقصتو الأسعار ودرتو الأسعار لي بغينا حنا ولي كتناسب القدرة الشرائية ديالنا مرحبا أفيك بليزير نستهلكو المنتوج ديالكم..زدتو الأسعار واحتاكرتونا ورجعتونا دمادم غا خليوه يريب نقضيو غير بالما والخبز ونمشيو على رجلينا...وهادي غير البداية..وباش نختم حنا مامحتاجينش لدوك المشاهير والفنانين لي كيركبو على ظهر الموجة باش يدعمونا حيت حتى هوما حنا لي صنعناهوم وحنا لي طلعناهوم وحنا لي وصلناهوم وعطيناهوم قيمة والمخير فيهم اليوم ولا كيكلاشينا ونسى كيف كان ملي كان محشر، ويلا فعلا كيهمهم أمر المقاطعة فين كانو شحال هادي ؟ فين كانو فحراك الريف وجرادة ؟ فين كانو فالوقفات والمظاهرات ديال شحال هادي ؟ طبعا مكانوش حيت عمرهم غايكونو فشي موقف مكيخدمش مصالحهم الشخصية وانطلاقا من هنا حنا مامحتاجينش ليهم لا هوما لا غيرهم..يكفي ان ثقافة المقاطعة تكون فكل واحد فينا وتكون فالدماغ ديال كل واحد فينا ونآمنو بيها كسلاح واعي راقي ونكونو شعب واحد ولو لأول مرة فحياتنا وتيقو بيا غاتشوفو مغريب آخر...ماكيحكمو لا نظام لا والو..وانما كايحكمو الشعب...
#مقاطعون
#الساعر
Commentaires