"المخـــــــدرات الـــــرقميــــــــــة"
Digital Drugs.
شفنا بزاف ديال انواع المخدرات لي كيستعملها بنادم اما كيسرطها اما كيدگ براوات اما كيشمها...الخ، ولكن اش بان ليك فواحد النوع جديد ديال المخدرات لي كيتعاطاها بنادم بودنيه بحال المزيكة..نمشيو للموضوع..
بنادم من بكري وهو كيقلب على شي حاجة لي غايخلق بيها السعادة والمتعة من بعدما جرب المخدرات العادية بما فيها الهيروين والكوكايين والحشيش والماريوانا قال اجي نقلب على شي حاجة جديدة لي غتزيد فالمتعة ومتقاداش ومنلقاش كل مرة غادي عند البزناز ونحضي راسي من البوليس، بنادم فهاد الحالة غادي يختارع شي حاجة لي غايقدر يحرك بيها التفاعلات الكيميائية لي كانت كتحركها المخدرات العادية ولكن بلا مايستعمل هاد المخدرات (الحشيش والكوكايين) يعني يوصل لديك المتعة وديك السعادة لي كيوصل ليها بالمخدرات ولكن بلا مايستعمل الكوكايين والهيروين..الخ يعني نقلب على شي حاجة لي غاتخليني نعيش نفس المتعة لي كيعيشها الانسان المدمن وبلا مانستعمل شي مخدر...
شناهي هاد الحاجة لي غتخليني نعيش هاد السعادة بلا منستعمل المخدرات ؟ هاد الحاجة هي "المخدرات الرقمية"..شنو هي هاد المخدرات الرقمية ؟..
المخدرات الرقمية هي واحد النوع ديال النغمات بحال المزيكة، هاد النغمات كادير ليزيات فودنيك وكتمزك ليهم عادي ولكن الترددات لي كاتستقبلها الأدن ليمنية ديالك كتكون كبر من الترددات لي كتستقبلها الأدن ليصرية حيت هذا هو المغزى من هاد المخدرات، حيت فهاد الحالة كيوقع واحد التشويش على دماغ وكيحاول باش يوحد بين هاد الترددات باش ويجمعها باش يوصل لصوت واحد، ماشي واحد مجهد ولاخر ضعيف، هاد الاختلاف ديال الترددات فالودنين بجوج كيزعزع الاستقرار ديال الدماغ وكيزعزعز الاشارات الكهربائية والعصبية لي كيسيفطها دماغ وبالتالي كيتلف وكيتخدر..
اول واحد غيكتاشف هاد المخدرات الرقمية هو"هينريش دوف" ف1839 واول مرة غيستعملوها فالطب النفسي ف1970، كانو كيعالجو بيها الناس لي عندهم امراض نفسية والناس لي عندهم اكتئاب وحتى الناس لي كانو كيرفضو يستعملو الادوية هنا غيستعملو المخدرات الرقمية وغايعالجوهم بالذبذبات الكهرومغناطيسة حيت هاد الذبذبات كتفرز واحد المادة منشطة كتنشط الخلايا العصبية وكتعدل المزاج ديال المرضى النفسانيين..
مع المدة الناس بداو يستعملو هاد المخدرات وتبلاو بيها، تقدر تحيد البلية العادية بحال الكوكايين والحشيش ولكن صعيب بزاف تحيد البلية ديال المخدرات الرقمية، حيت هاد المخدرات كاين لي جربها وتبلا بيها وكاين لي دماغو متقبلهاش ولكن اغلب الناس لي تبلاو بيها تسببات ليهم ف صداع فالراس وكتخليهم يغوتو بوحدهم ويتهلوسو وتسببات ليهم فتشنجات عضلية وقتلات شحال من واحد، كيفاش يمكن لينا نتعاطاو لهاد المخدرات الرقمية ؟..باش تعاطى لهاد المخدرات وتوصل للنشوة والسعادة اول حاجة كتمشي طيليشارجي المزيكة ديال هاد المخدرات الرقمية من شي سيت ولا تشريها من بعد خصك تمشي لشي بيت خاوي ويكون فيه الضو خفيف وتطفي تلفازة واي جهاز الكتروني كاين فداك البيت لي غيقدر يشوشك وتلبس شي حاجة خفيفة وتشرب الماء مزيان ودير ليزيات فودنك وتغمض عينينك ودير عليهم شي باندة من بعد كاتخدم المزيكة(الموسيقى الرقمية) وتمزك مع راسك ويلا مكنتيش عارف كيفاش تستعملها بعد منها حيت ايلا جاب الله كترثي منها دماغك غادي يتشتت...علاش ؟
حيت فهاد الحالة فاش كتكون كتصنت، هاد المخدرات الرقمية كتسيفط شي دبدبات واصوات مشوشة للدماغ هاد الاصوات القوة ديالها من 1000 تال 1500 هيرتز فهاد الحالة كتكون القوة ديال استقبال الادن اليمنى اكبر من الادن اليسرى بواحد الفارق ديال 30 هيرتز هاد الفارق هو لي كيحدد لينا الحجم ديال لادوز يعني كلما تزاد هاد الفارق كلما تزاد "الدوز"وتزادت النشوة..
هاد المخدرات الرقمية كتباع فبزاف ديال المواقع وصحاب هاد المواقع كيبداو يكدبو على ناس وكيقولو ليهم بلي هاد المخدرات كتخلي بنادم يعيش السعادة وبلي مفيهاش مواد كيميائية وبلي كتخلي بنادم يكون ناشط وبلي متوفرة ومفيهاش الحبس..ووو..الخ باش يقنعوهم ولكن مكيدكروش ليهم الجانب السلبي ديالها حيت هاد المخدرات صعيبة بزاف ويلا مشيتي حتى تبليتي بيها يا غيولي فيك شي مرض نفسي يا غاتسطى ياغتموت حيت كتستهدف الدماغ ومع المدة الدماغ كيتشتت..
هاد المخدرات عندها سلبيات، بحالاش ؟ المدمن بيها كيكون اكثر عرضة للامراض النفسية وكتخلي بنادم ديما منعازل على العالم الخارجي وديما جالس بوحدو فشي بيت وساد عليه ومن بعد كيولي يتهلوس ويحس بالصداع فراسو ومع المدة كيدخل فالاكتئاب ومن بعد كيبقى على هاد الحال ودماغو مكيبقاش يستحمل حتى كيتلف ليه الدماغ بمرة ويموت..واش هاد المخدرات ممنوعة قانونيا ؟..
هاد المخدرات اول مرة دخلات عند العرب دخلات ف 2012 للسعودية ولبنان ومن بعد واحد الحالة ديال الوفاة بسباب هاد المخدرات ناضو منعوها قانونيا وتقاتلو باش يمنعوها فوالوقع وبلوكات الحكومة بزاف ديال المواقع لي كاتروجها وتبيعها وناضو دارو حملات توعوية باش يوعيو الناس بالمخاطر ديال هاد المخدرات وكيقولو للآباء باش يراقبو ولادهم ويشوفو اشمن مزيكة كيتصنتو ليها ويردو ليهم البال باش مايطيحوش ضحايا لهاد المخدرات....موهيم هادشي لي كاين حاولت نعطيكم فكرة على هاد البلان ونتمنى يكون الموضوع فالمستوى والسلام عليكم في موضوع آخر.
بقلــم: الـﺴـــــــﺎﻋــــﺮ
Gerard Lopez
Digital Drugs.
شفنا بزاف ديال انواع المخدرات لي كيستعملها بنادم اما كيسرطها اما كيدگ براوات اما كيشمها...الخ، ولكن اش بان ليك فواحد النوع جديد ديال المخدرات لي كيتعاطاها بنادم بودنيه بحال المزيكة..نمشيو للموضوع..
بنادم من بكري وهو كيقلب على شي حاجة لي غايخلق بيها السعادة والمتعة من بعدما جرب المخدرات العادية بما فيها الهيروين والكوكايين والحشيش والماريوانا قال اجي نقلب على شي حاجة جديدة لي غتزيد فالمتعة ومتقاداش ومنلقاش كل مرة غادي عند البزناز ونحضي راسي من البوليس، بنادم فهاد الحالة غادي يختارع شي حاجة لي غايقدر يحرك بيها التفاعلات الكيميائية لي كانت كتحركها المخدرات العادية ولكن بلا مايستعمل هاد المخدرات (الحشيش والكوكايين) يعني يوصل لديك المتعة وديك السعادة لي كيوصل ليها بالمخدرات ولكن بلا مايستعمل الكوكايين والهيروين..الخ يعني نقلب على شي حاجة لي غاتخليني نعيش نفس المتعة لي كيعيشها الانسان المدمن وبلا مانستعمل شي مخدر...
شناهي هاد الحاجة لي غتخليني نعيش هاد السعادة بلا منستعمل المخدرات ؟ هاد الحاجة هي "المخدرات الرقمية"..شنو هي هاد المخدرات الرقمية ؟..
المخدرات الرقمية هي واحد النوع ديال النغمات بحال المزيكة، هاد النغمات كادير ليزيات فودنيك وكتمزك ليهم عادي ولكن الترددات لي كاتستقبلها الأدن ليمنية ديالك كتكون كبر من الترددات لي كتستقبلها الأدن ليصرية حيت هذا هو المغزى من هاد المخدرات، حيت فهاد الحالة كيوقع واحد التشويش على دماغ وكيحاول باش يوحد بين هاد الترددات باش ويجمعها باش يوصل لصوت واحد، ماشي واحد مجهد ولاخر ضعيف، هاد الاختلاف ديال الترددات فالودنين بجوج كيزعزع الاستقرار ديال الدماغ وكيزعزعز الاشارات الكهربائية والعصبية لي كيسيفطها دماغ وبالتالي كيتلف وكيتخدر..
اول واحد غيكتاشف هاد المخدرات الرقمية هو"هينريش دوف" ف1839 واول مرة غيستعملوها فالطب النفسي ف1970، كانو كيعالجو بيها الناس لي عندهم امراض نفسية والناس لي عندهم اكتئاب وحتى الناس لي كانو كيرفضو يستعملو الادوية هنا غيستعملو المخدرات الرقمية وغايعالجوهم بالذبذبات الكهرومغناطيسة حيت هاد الذبذبات كتفرز واحد المادة منشطة كتنشط الخلايا العصبية وكتعدل المزاج ديال المرضى النفسانيين..
مع المدة الناس بداو يستعملو هاد المخدرات وتبلاو بيها، تقدر تحيد البلية العادية بحال الكوكايين والحشيش ولكن صعيب بزاف تحيد البلية ديال المخدرات الرقمية، حيت هاد المخدرات كاين لي جربها وتبلا بيها وكاين لي دماغو متقبلهاش ولكن اغلب الناس لي تبلاو بيها تسببات ليهم ف صداع فالراس وكتخليهم يغوتو بوحدهم ويتهلوسو وتسببات ليهم فتشنجات عضلية وقتلات شحال من واحد، كيفاش يمكن لينا نتعاطاو لهاد المخدرات الرقمية ؟..باش تعاطى لهاد المخدرات وتوصل للنشوة والسعادة اول حاجة كتمشي طيليشارجي المزيكة ديال هاد المخدرات الرقمية من شي سيت ولا تشريها من بعد خصك تمشي لشي بيت خاوي ويكون فيه الضو خفيف وتطفي تلفازة واي جهاز الكتروني كاين فداك البيت لي غيقدر يشوشك وتلبس شي حاجة خفيفة وتشرب الماء مزيان ودير ليزيات فودنك وتغمض عينينك ودير عليهم شي باندة من بعد كاتخدم المزيكة(الموسيقى الرقمية) وتمزك مع راسك ويلا مكنتيش عارف كيفاش تستعملها بعد منها حيت ايلا جاب الله كترثي منها دماغك غادي يتشتت...علاش ؟
حيت فهاد الحالة فاش كتكون كتصنت، هاد المخدرات الرقمية كتسيفط شي دبدبات واصوات مشوشة للدماغ هاد الاصوات القوة ديالها من 1000 تال 1500 هيرتز فهاد الحالة كتكون القوة ديال استقبال الادن اليمنى اكبر من الادن اليسرى بواحد الفارق ديال 30 هيرتز هاد الفارق هو لي كيحدد لينا الحجم ديال لادوز يعني كلما تزاد هاد الفارق كلما تزاد "الدوز"وتزادت النشوة..
هاد المخدرات الرقمية كتباع فبزاف ديال المواقع وصحاب هاد المواقع كيبداو يكدبو على ناس وكيقولو ليهم بلي هاد المخدرات كتخلي بنادم يعيش السعادة وبلي مفيهاش مواد كيميائية وبلي كتخلي بنادم يكون ناشط وبلي متوفرة ومفيهاش الحبس..ووو..الخ باش يقنعوهم ولكن مكيدكروش ليهم الجانب السلبي ديالها حيت هاد المخدرات صعيبة بزاف ويلا مشيتي حتى تبليتي بيها يا غيولي فيك شي مرض نفسي يا غاتسطى ياغتموت حيت كتستهدف الدماغ ومع المدة الدماغ كيتشتت..
هاد المخدرات عندها سلبيات، بحالاش ؟ المدمن بيها كيكون اكثر عرضة للامراض النفسية وكتخلي بنادم ديما منعازل على العالم الخارجي وديما جالس بوحدو فشي بيت وساد عليه ومن بعد كيولي يتهلوس ويحس بالصداع فراسو ومع المدة كيدخل فالاكتئاب ومن بعد كيبقى على هاد الحال ودماغو مكيبقاش يستحمل حتى كيتلف ليه الدماغ بمرة ويموت..واش هاد المخدرات ممنوعة قانونيا ؟..
هاد المخدرات اول مرة دخلات عند العرب دخلات ف 2012 للسعودية ولبنان ومن بعد واحد الحالة ديال الوفاة بسباب هاد المخدرات ناضو منعوها قانونيا وتقاتلو باش يمنعوها فوالوقع وبلوكات الحكومة بزاف ديال المواقع لي كاتروجها وتبيعها وناضو دارو حملات توعوية باش يوعيو الناس بالمخاطر ديال هاد المخدرات وكيقولو للآباء باش يراقبو ولادهم ويشوفو اشمن مزيكة كيتصنتو ليها ويردو ليهم البال باش مايطيحوش ضحايا لهاد المخدرات....موهيم هادشي لي كاين حاولت نعطيكم فكرة على هاد البلان ونتمنى يكون الموضوع فالمستوى والسلام عليكم في موضوع آخر.
بقلــم: الـﺴـــــــﺎﻋــــﺮ
Gerard Lopez
Commentaires