إبـــــادة العلـــــــوييــــــن في سوريا"

إبـــــادة العلـــــــوييــــــن في سوريا"

 

فهاد الموضوع غنهضر على واحد الإبادة وقعات للعلوين من طرف العثمانيين على طريقة ابادة "بوت بوت" لطائفة المسلمين "التشام" فكمبوديا.. نمشيو للموضوع..

قبل مندخلو فالموضوع خصكم تعرفو بلي سلالة او طائفة العلويين هوما واحد الطوائف فيهم السنة وفيهم الشيعة، ندخلو دابا للموضوع ونرجعو للتاريخ اللور بالضبط القرن 16، فهاد الفترة كانت "حلب" السورية ملتقى ل3 ديال الامبراطوريات، لي هوما الامبراطورية العثمانية فالشمال لي هي تركيا حاليا، والامبراطورية الصفوية فالشرق لي هي إيران حاليا، وامبراطورية المماليك فالجنوب لي هي مصر حاليا...هاد "حلب"غاتنوض امبراطورية المماليك غادخل ليها وغادير فيها نقطة لدفاع ضد هجوم الصفويين من بعد غايدوزو العثمانيين للجنوب وغيعلنو الحرب على هاد جوج لي مصادعين فحلب (المماليك والصفويين)...وغايحتلو حلب..

فهاد الفترة فالبدية ديال القرن 16 غاينوض السلطان العثماني "سليم الأول" غيتحالف مع شي جماعات من بينهم العلويين لي غايدعموه وجيش الانكشارية غاينوض وغايدير انقلاب على باه "بايزيد الثاني" لي كان حاكم الامبراطورية العثمانية فداك الوقت، من بعدما دار السلطان سليم انقلاب شد الحكم غايبدى يحط يدو فالسياسة التوسعية وغايدخل فحرب مع الامبراطورية الصفوية (الحروب العثمانية الصفوية) من بعد 3 ديال الحروب متابعة غادي يستعمرو العثمانيين "العراق" و "تبريز" وغايضموهم للامبراطورية وغتبقى ليهم "ارمينيا" و"جيورجيا" وغيتقاسموهم بيناتهم..

الصراع بين العثمانيين والصفويين (تركيا وايران حاليا) عمرو ماكان سياسي بقدر ماكان صراع انتماء ديني بين الشيعة والسنة باش يوسعو النفود باسم السياسة موهيم من بعدما سالا الصداع لي ناض بين العثمانيين والامبراطورية الصفوية غاينوضو العثمانيين غيتاهمو العلويين بلي تعاطفو وتآمرو مع "الشاه اسماعيل" حاكم الامبراطورية الصفوية على "السلطان سليم" حاكم الامبراطورية العثمانية، غاينوض السلطان سليم غايحقد على العلويين وغايصدر أمر باش يمحي العلويين من الأرض بداية من العلويين لي فالأناضول..من بعد غايطلع لحلب وغايجمع كاع دوك الشيوخ العلويين باش يتناقش معاهم وتجمعو تاهوما على نيتهم شوية غيبآمر الجنود ديالو باش يقتلوهم وغيشرشموهوم..من بعد غاينوضو كبار شيوخ السنة ف"حلب" وغيديرو اجتماع على هاد المجزرة باش يديرو حد لهاد الابادة ناضو دارو مفاوضات مع السلطان سليم باش يسمح للعلويين ولكن قمعهوم و قاليهوم تخويو البلاد ولا غنبقى نقتل فيكم حتى تنقارضو هادشي خلا العلويين يهربو من حلب لجبال الساحل شي تشرد شي مات كلا وفين مشى...

هاد الصراع مزال لحد الآن فسوريا مع ايران من جهة ومع تركيا من جهة وهو السبب فهاد الخلاف لي كاين دابا بسبب العلويين، هاد الابادة قدروها مابين 40 الف تال 90 الف علوي بما فيهم نساء ورجال واطفال حتى اساليب القتل مختالفة كانو كيدبحوهوم ويحرقو دراري صغار فالفرارن (أفران عدرا العمالية) دارو ليهم ابادة على طريقة هتلر...

علاش دارو ليهم ابادة ؟ آبارت على داك الاتهام كانو العلويين تعاونو مع السلطان ديال مصر فالشمال ديال سوريا باش يسترجع شي اراضي هادشي خلا السلطان سليم يزيد يحقد عليهم ومباشرة من بعد معركة "مرج دابق" غاينوض السلطان سليم غايآمر قائد الحملة العسكرية العثمانية باش يقلب على العلويين فيما كانو ويصفيها ليهم باسم واحد الفتوى سميتها "فتوى الفناء" ديال "ابن تيمية" وغايقتل منهم 40 الف راجل والباقي هربو كلا وفين مشى....من بعدما سالات الإبادة وهربو شي وحدين غادي يسيفط قائد الإبادة واحد الرسالة ديال اتمام المهمة بنجاح ل "السلطان سليم".... نص الرسالة 👇

بسم الله الرحمن الرحيم.
ﺗﺤﻴﺎﺕ ﺇﺟﻼﻝ ﻣﻘﺎﻣﺎﺕ:
ﺗﻨﻔﻴﺬﺍً لأﻭﺍﻣﺮ سعاﺩﺍت،ﻓﻘﺪ ﺗﻢَّ ﺗﻨﻔﻴﺬ القرﺍﺭﺍﺕ والتوﺻﻴﺎﺕ،ﻭﻗﺘﻞ ﻛﻞ ﻣﺎ ﻭﻗﻊ ﻋﻠﻴﻨﺎ ﻣﻦ ﻗﺮﻯ النصيرية ﺣﺘﻰ ﺃﺩﻏﺎﻝ ﺍﻟﺠﺴﺮ ﻭﺑﺎﺏ ﺍﻟﻨﺴﺮ،ﺇﻟﻰ ﺷﻴﺰﺭ ﻭﻭﺍﺩﻱ ﺧﺎﻟﺪ،ﺣﺘﻰ ﻛﺘﺐ ﻟﻨﺎ ﺍﻟﻨﺼﺮ،ﻭﻟﻦ ﻳﻜﻮﻥ ﻟﻬﻢ ﻭﺟﻮﺩ ﺑﻌﺪ ﺍﻵﻥ ﻋﻠﻰ ﻣﺮّ ﺍﻟﺰﻣﺎﻥ،ﻭﺧﻠﺼﺖ ﺍﻟﺒﻼﺩ ﻣﻦ ﺁﻓﺔ ﻭﻋﻠّﺔ ﺍﻟﻔﺴﺎﺩ،ﻭﺍﺳﺘﺘﺐّ دين ﺍﻹﺳﻼﻡ ﻓﻲ ﺑﻼﺩ ﺍﻟﺸﺎﻡ،ﻭﻟﻢ ﻳﺒﻖَ للنصيرية ﺩﻳﺎﺭﺍً ﻭلن يعيشوا ﻋﻠﻰ ﺃﺭﺽ ﺍﻟﺴﻠﻄﺎﻥ ﺍﻟﻌﻈﻴﻢ ﺳﻠﻴﻢ،وقد أكلت ﺑﻘﺎﻳﺎﻫﻢ وحوش الجبال وتماسيح الغاب،ﻭﺍﻟﻌﻴﺶ ﻟﻠﺴﻠﻄﺎﻥ ﺑﺎﻟﺮﻏﺎﺏ،والله الموفق للصواب))......هاد الرسالة لقاوها فواحد المخطوطة فمكتبة ستراسبورغ.....موهيم هادشي لي كاين نتمنى يكون الموضوع فالمستوى نتقاشعو فشي فيلم خر.

بقلــم: الـﺴـــــــﺎﻋــــﺮ