"أكــــــذوبـــة صحيـــــــح البخـــــــــاري"
حنا كمتدينين أي حاجة جات فالكتب والأحاذيث بإسم الدين كنتيقوها ديريكت، بلا مانسولو علاش وكيفاش وايمتى ونبحثو ونسولو وناقشو، حيت حنا من بكري تربينا على هادشي نسمعو ونتصنتو ومناقشوش ومنعارضوش واحيانا حتى رأينا منعطيوهش حيت هاد الامور كبيرة علينا وخصنا نخليوها لماليها..خاصة ايلا كانت امور دينية هاديك لانقاش عليها..خصك لي قالوها لك تقول كاينة ويلا مشيتي حتى سولتي علاش غادي يعدبك الله...
حنا تزادينا مسلمين والدين ديالنا هو الدين الوحيد لي ماتحرفش حيت "انا نحن نزلنا الذكر وانا له لحافظون" يعني عمرك تسول وتناقش فالدين حيت الدين كامل ومكمول و مامحرفش يا خودو كامل ياحطو كامل وبلا متسول وتبرزط ليا راسي، كما ان الناس لي قراونا الدين حرمو علينا التفكير فبزاف ديال الحوايج بدعوة ان الله كيحرمها لذلك هاد الامور ماخصناش نهضرو فيها وناقشوها نهائيا...وفهاد الموضوع غنهضر على واحد السيد مشهور وكيقدسوه كثر من الرسول عليه السلام..هاد السيد هو "البخاري"..نمشيو للموضوع..ونشوفو الفرزيات ديالو..
اولا كلكم عارفين ان سيدنا رسول الله كان كيقول للصحابة ماتكتبوش عليا يعني متكتبوش الاحاذيث ديالي وهاهوا الدليل: "لا تكتبو عني ومن كتب عني وغير القرآن فليمحه وحدثوا عني ولا حرج" رواه مسلم..علاش الرسول منع الصحابة والناس بصفة عامة ميكتبوش عليه ؟ الرسول مبغاهومش يكتبو عليه باش ميوقعش واحد التذاخل بين القرآن والاحاديث ديالو، ومن بعد حتى دازت واحد المدة طويلة عاد تافقو شي علماء بلي خصهم يكتبو الاحاديث ديال الرسول عليه السلام وكتبو عليه وهاد الاحاديث جات مصنفة حسب المصادر وحسب الراوي يعني صحيح البخاري..صحيح مسلم...الخ ولكن كيبقى المصدر الأول والصحيح هو البخاري..ولكن واش بصح صحيح ؟ ويلا كان صحيح كيفاش قدر يدقق فالأحاديث ويجيبها بالتفصيل ؟..
قبل مندخل فالموضوع خصكم تعرفو بلي البخاري تزاد ف 194 هجرية ومات ف 256 هجرية، هادي متافقين عليها والرسول عليه السلام مات ف 11 هجرية هادي حتى هي متافقين عليها، يعني بين الوفاة ديال الرسول والبخاري 183 عام بالضبط...واش الاحاديث ديال الرسول بقات كيما هي لمدة 183 عام حتى جا البخاري ماتحرفات ماتوضرات ماتنسات ؟..واخا ماشي مشكل نتجاوزو هاد السؤال...علاش الصحابة بريوسهم مكتبوش هاد الاحاديث ؟ ياك هوما اقرب للرسول عليه السلام واكثر مصداقية ؟ وعلاش بالضبط البخاري لي غايجي من بعد حوالي 200 عام..
كيقولو بلي البخاري جاب حوالي 600 ألف حديث بالمراجعة ديالو والتصحيح وكولشي وبلي كان كيسافر برجليه عند الرواة باش يتأكد من الصحة ديال الأحاديث ديالهم وهادشي كامل دارو فالمدة ديال 16 عام...واخا خدم معايا عقلك، نقسمو 600.000 ألف حديث على 16 عام ديال البحث والمراجعة وتصحيح الأحاديث غادي تعطينا 37.500 ألف حديث فالعام يعني البخاري فعام واحد قدر يجمع 37.500 ألف حديث..واخا، نشدو هاد 37.500 حديث لي جمعها فعام نقسموها على 365 يوم يعني عام غادي تخرج لينا 105، يعني البخاري كان كيراجع 105 حديث يوميا 24 ساعة على 24 وكل حديث كيراجعو لمدة 15 دقيقة يعني كيراجع 4 الأحاديث فساعة وحدة بلا ميوقف...أواه هاد السيد ماكياكل ماكيشرب ماكينعس ؟
الاحاديث ديال البخاري أغلبيتها مبالغ فيها ايلا ماخفتش نقول جايبها من راسو ولا طلقها عليها شي جاهل بحال فواحد الحديث كيقول بلي الرسول عليه الصلاة والسلام كان باغي ينتاحر ملي نقاطع عليه الوحي وقال بلي الصحابة كانو كيشدو الدفال ديال الرسول وكيباركو بيه وقال بلي ابوبكر الصديق رضي الله عنه قال لشي حد مص البظر وبلي الرسول مانكرش داكشي وكاينة احاديث خرى بحال إرضاع الكبير وحد الردة وحد الرجم، وماخفي أعظم....وباش يغطي على هاد الكذوب ديالو قالك "ومن يخالف البخاري فإنه كاره للسنة النبوية" يعني أي حاجة فيها "رواه البخاري" ولا "صحيح البخاري" خصك تيقها حيت هاد السيد رجل خارق قدر يجمع هاد الكم الهائل من الأحاديث بالتفصيل والتصحيح فظرف 16 عام ومن بعد 200 عام على موت الرسول صلى الله عليه وسلم..اللهم بارك رجل خارق... هاهي بعض الأحاديث باش تحيدو الشك
👇
قالك البخاري بلي شي وحدين جاو عند الرسول وسولوه على "الشؤم" وقاليهم بلي الشؤم فالمرأة والدار..وهاهوا الدليل "(عن ابن عمر قال: ذكرو الشؤم عند النبي صلى الله عليه وسلم فقال صلى الله عليه وسلم "ان كان الشؤم في شيء ففي الدار والمرأة والفرس")..وايلي الرسول كيقول على المرأة "شؤم" مايمكنش...وكاينة أحاديث خرى
👈 قال عكرمة عن ابن عباس "اذا زنى بأخت امرأته لم تحرم عليه امرأته"...وايلي..
عن آدم عن شعبة عن محارب قال سمعت جابر بن عبدالله رضي الله عنه يقول: تزوجت فقال لي الرسول عليه السلام: ما تزوجت ؟ فقلت: تزوجت ثيبا، فقال رسول الله: "مالك للعذارى ولعابها"..
قال جابر بن عبدالله: قال لي رسول الله صلى الله عليه وسلم "هلا جارية تلاعبها وتلاعبك" يعني الرسول كايوصي على الزواج بالبكر والجواري...الله يسمح لك البخاري
هادشي شوية من بزاف ماغديش نقولك تيق ولا ماتيقش، نت ووجهك، وكإضافة راه أكبر العلماء المسلمين فمصر وبزاف ديال الدول كيعارضو هاد البخاري حيت عارفين أغلب الأحاديث لي جاب لا اساس لها من الصحة والرسول عليه السلام بريئ منها وراه هادشي علاش الرسول كان كيقوليهوم ماتكتبوش عليا ومتكتبوش الأحاديث ديالي ربما كان عارف اش غيوقع ولي بغى يتأكد يمشي يبحث ويقلب ميبقاش لي قالها ليه البخاري والاستاد ديال التربية الاسلامية يتيقها..على العموم هادشي لي كاين درت الموضوع بناء على الطلب ديال شي وحدين لا غير ونتوما ووجهكم..
بقلــم: الـﺴـــــــﺎﻋــــﺮ
Gerard Lopez
حنا كمتدينين أي حاجة جات فالكتب والأحاذيث بإسم الدين كنتيقوها ديريكت، بلا مانسولو علاش وكيفاش وايمتى ونبحثو ونسولو وناقشو، حيت حنا من بكري تربينا على هادشي نسمعو ونتصنتو ومناقشوش ومنعارضوش واحيانا حتى رأينا منعطيوهش حيت هاد الامور كبيرة علينا وخصنا نخليوها لماليها..خاصة ايلا كانت امور دينية هاديك لانقاش عليها..خصك لي قالوها لك تقول كاينة ويلا مشيتي حتى سولتي علاش غادي يعدبك الله...
حنا تزادينا مسلمين والدين ديالنا هو الدين الوحيد لي ماتحرفش حيت "انا نحن نزلنا الذكر وانا له لحافظون" يعني عمرك تسول وتناقش فالدين حيت الدين كامل ومكمول و مامحرفش يا خودو كامل ياحطو كامل وبلا متسول وتبرزط ليا راسي، كما ان الناس لي قراونا الدين حرمو علينا التفكير فبزاف ديال الحوايج بدعوة ان الله كيحرمها لذلك هاد الامور ماخصناش نهضرو فيها وناقشوها نهائيا...وفهاد الموضوع غنهضر على واحد السيد مشهور وكيقدسوه كثر من الرسول عليه السلام..هاد السيد هو "البخاري"..نمشيو للموضوع..ونشوفو الفرزيات ديالو..
اولا كلكم عارفين ان سيدنا رسول الله كان كيقول للصحابة ماتكتبوش عليا يعني متكتبوش الاحاذيث ديالي وهاهوا الدليل: "لا تكتبو عني ومن كتب عني وغير القرآن فليمحه وحدثوا عني ولا حرج" رواه مسلم..علاش الرسول منع الصحابة والناس بصفة عامة ميكتبوش عليه ؟ الرسول مبغاهومش يكتبو عليه باش ميوقعش واحد التذاخل بين القرآن والاحاديث ديالو، ومن بعد حتى دازت واحد المدة طويلة عاد تافقو شي علماء بلي خصهم يكتبو الاحاديث ديال الرسول عليه السلام وكتبو عليه وهاد الاحاديث جات مصنفة حسب المصادر وحسب الراوي يعني صحيح البخاري..صحيح مسلم...الخ ولكن كيبقى المصدر الأول والصحيح هو البخاري..ولكن واش بصح صحيح ؟ ويلا كان صحيح كيفاش قدر يدقق فالأحاديث ويجيبها بالتفصيل ؟..
قبل مندخل فالموضوع خصكم تعرفو بلي البخاري تزاد ف 194 هجرية ومات ف 256 هجرية، هادي متافقين عليها والرسول عليه السلام مات ف 11 هجرية هادي حتى هي متافقين عليها، يعني بين الوفاة ديال الرسول والبخاري 183 عام بالضبط...واش الاحاديث ديال الرسول بقات كيما هي لمدة 183 عام حتى جا البخاري ماتحرفات ماتوضرات ماتنسات ؟..واخا ماشي مشكل نتجاوزو هاد السؤال...علاش الصحابة بريوسهم مكتبوش هاد الاحاديث ؟ ياك هوما اقرب للرسول عليه السلام واكثر مصداقية ؟ وعلاش بالضبط البخاري لي غايجي من بعد حوالي 200 عام..
كيقولو بلي البخاري جاب حوالي 600 ألف حديث بالمراجعة ديالو والتصحيح وكولشي وبلي كان كيسافر برجليه عند الرواة باش يتأكد من الصحة ديال الأحاديث ديالهم وهادشي كامل دارو فالمدة ديال 16 عام...واخا خدم معايا عقلك، نقسمو 600.000 ألف حديث على 16 عام ديال البحث والمراجعة وتصحيح الأحاديث غادي تعطينا 37.500 ألف حديث فالعام يعني البخاري فعام واحد قدر يجمع 37.500 ألف حديث..واخا، نشدو هاد 37.500 حديث لي جمعها فعام نقسموها على 365 يوم يعني عام غادي تخرج لينا 105، يعني البخاري كان كيراجع 105 حديث يوميا 24 ساعة على 24 وكل حديث كيراجعو لمدة 15 دقيقة يعني كيراجع 4 الأحاديث فساعة وحدة بلا ميوقف...أواه هاد السيد ماكياكل ماكيشرب ماكينعس ؟
الاحاديث ديال البخاري أغلبيتها مبالغ فيها ايلا ماخفتش نقول جايبها من راسو ولا طلقها عليها شي جاهل بحال فواحد الحديث كيقول بلي الرسول عليه الصلاة والسلام كان باغي ينتاحر ملي نقاطع عليه الوحي وقال بلي الصحابة كانو كيشدو الدفال ديال الرسول وكيباركو بيه وقال بلي ابوبكر الصديق رضي الله عنه قال لشي حد مص البظر وبلي الرسول مانكرش داكشي وكاينة احاديث خرى بحال إرضاع الكبير وحد الردة وحد الرجم، وماخفي أعظم....وباش يغطي على هاد الكذوب ديالو قالك "ومن يخالف البخاري فإنه كاره للسنة النبوية" يعني أي حاجة فيها "رواه البخاري" ولا "صحيح البخاري" خصك تيقها حيت هاد السيد رجل خارق قدر يجمع هاد الكم الهائل من الأحاديث بالتفصيل والتصحيح فظرف 16 عام ومن بعد 200 عام على موت الرسول صلى الله عليه وسلم..اللهم بارك رجل خارق... هاهي بعض الأحاديث باش تحيدو الشك
👇قالك البخاري بلي شي وحدين جاو عند الرسول وسولوه على "الشؤم" وقاليهم بلي الشؤم فالمرأة والدار..وهاهوا الدليل "(عن ابن عمر قال: ذكرو الشؤم عند النبي صلى الله عليه وسلم فقال صلى الله عليه وسلم "ان كان الشؤم في شيء ففي الدار والمرأة والفرس")..وايلي الرسول كيقول على المرأة "شؤم" مايمكنش...وكاينة أحاديث خرى
👈 قال عكرمة عن ابن عباس "اذا زنى بأخت امرأته لم تحرم عليه امرأته"...وايلي..عن آدم عن شعبة عن محارب قال سمعت جابر بن عبدالله رضي الله عنه يقول: تزوجت فقال لي الرسول عليه السلام: ما تزوجت ؟ فقلت: تزوجت ثيبا، فقال رسول الله: "مالك للعذارى ولعابها"..
قال جابر بن عبدالله: قال لي رسول الله صلى الله عليه وسلم "هلا جارية تلاعبها وتلاعبك" يعني الرسول كايوصي على الزواج بالبكر والجواري...الله يسمح لك البخاري
هادشي شوية من بزاف ماغديش نقولك تيق ولا ماتيقش، نت ووجهك، وكإضافة راه أكبر العلماء المسلمين فمصر وبزاف ديال الدول كيعارضو هاد البخاري حيت عارفين أغلب الأحاديث لي جاب لا اساس لها من الصحة والرسول عليه السلام بريئ منها وراه هادشي علاش الرسول كان كيقوليهوم ماتكتبوش عليا ومتكتبوش الأحاديث ديالي ربما كان عارف اش غيوقع ولي بغى يتأكد يمشي يبحث ويقلب ميبقاش لي قالها ليه البخاري والاستاد ديال التربية الاسلامية يتيقها..على العموم هادشي لي كاين درت الموضوع بناء على الطلب ديال شي وحدين لا غير ونتوما ووجهكم..
بقلــم: الـﺴـــــــﺎﻋــــﺮ
Gerard Lopez
Commentaires