"سجــــن تـزمــامـــارت" سجـــن المــــوت.
فهاد الموضوع غنهضر على واحد من أكثر السجون رعبا من بعد "سجن قارة"..موهيم ندخلو فالموضوع...
"سجن تزمامارت" كاين فواحد القرية فالراشيدية وكيرجع لواحد المنطقة عسكرية كان بناها الجيش الفرنسي تما فيامات الاستعمار، سجن تزمامارت مكون من 58 زنزانة وكل زنزانة كيكون طول ديالها 3 ميترو والعرض ديالها 2 ميترو وهاد الحبس مكانش فيه الضو نهائيا ومافيهش منين يتنفس بنادم دايرين غير شي تقابي صغار يدخل منهوم البرد ودخل منهم شوية ديال الشمش..
سجن تزمامارت السري كيرجع لعهد الاستعمار تما فين كانت فرنسا كاتغبر الاعضاء ديال الحركة الوطنية حيت هاد المناطق كانو بعاد ومعروفة بالظروف القاسية لذلك كانت كتستعملهم كمنفى للمناضلين والحركات المناهضة للاستعمار الفرنسي، وفعهد الرصاص غادي يتحل سجن تزمامارت بالضبط ف1973 من بعد الانقلابات لي تعرض ليها الحسن الثاني من طرف "المذبوح" و "أوفقير"هنا فهاد الفترة غادي تنوض الروينة ولي شدوه غايغبروه بما فيهم الانقلابيين والمعارضين ديال الحسن الثاني...
الانقلابيين وكاع لي كانو مشاركين فالانقلابات وحتى لي تزرفو غير هكاك ظلما غادي يدوزوهم لسجن قنيطرة ولكن هذاك كان سجن عادي والحسن الثاني خصو يبرد غدايدو وهنا غادي يتدخل النظام وغايآمر باش يحولوهم فالخفاء لمطار الراشيدية ومن تما لتزمامارت... من بعدما حولوهم بنادم غيبدا يموت دقة دقة بالتعذيب والظروف القاسية ديال السجن ومن بعد عامين غايجيبو شي جنود أفارقة من المتمردين ديال الكونغو وغايغبروهم تاهوما مع المغاربة...شي وحدين ماتو غا بالخوف والظروف القاسية وشي وحدين بقاو حيين بسبب التعاطف ديال حراس السجن معاهم...
سجن تزمامارت حتى واحد مكان عارفو فين كاين..والزهر لي كان عند هاد السجناء لي تسدو فهاد الحبس هو انه كان مشدود معاهم واحد السيد لي هو "الطويل" ربان طائرة، هاد السيد هو الوحيد لي قدر يعرف المنطقة لي كان فيها سجن تزمامارت من خلال الخبرة ديالو فالطيران وقدر يتعرف على المنطقة بسهولة، هاد السيد كان مزوج بواحد السيدة ميريكانية "نانسي" وكان كيسيفط ليها رسائل بالمساعدة ديال بعض الحراس لي تعاملو معاهم وكيعاود ليها على التعذيب والموت البطيئ لي كيتعرضو ليه السجناء..
هنا هاد السيدة الامريكية غادي تدخل فالقضية وغاتمشي "للكونغرس الامريكي" وجمعيات حقوق الانسان وطلبات منهم باش يتدخلو فقضية سجن تزمامارت من بعد غادي يطيحو هاد الجمعيات على رسائل المعتقلين لي كانو كيسيفطوها سرا وغادي يوصلو الخبر ديالهم للصحافة الدولية والجرائد الاوروبية ودوزو قضية تزمامارت فقنوات اوروبية فكل من فرنسا وبلجيكا وهولندا واسبانيا، هنا النظام غادي يتفضح من بعدما نكرو هاد السجن شحال من مرة...وف1889 غادي يجيبو طراكسات وغيبداو يحفرو باش يريبو تزمامارت ويقتلو معاه كاع المعتقلين ويسدو الضوسي باش ميتفضحوش...هنا غادي تعاود تدخل السيدة الامريكية "نانسي" مرت القبطان "الطويل" وغادي طالب بالتحقيق فسبب الحفر هنا غادي تدخل لجنة التحقيق وغادي تآمر بوقف الحفر، من بعد غادي تدخل منظمة العفو الدولية وغاتعطي واحد رابور على تزمامارت وغادي تنوض واحد السيدة خرى "كريستين السرفاتي" مرت المعارض المغربي "أبراهام السرفاتي" وغادي دير واحد الحملة فأوروبا للإفراج على المعتقلين وغينوضو معاها حركات حقوقية فالمغرب وهنا غايتدخل "ادريس البصري" ف 1990 وغايقوليهم بلي مكاينش شي سجن سميتو تزمامارت ومن بعد عام ديال المظاهرات والتدخل ديال جمعيات حقوق الانسان غادي يطلقو شي 28 واحد ومن بينهم "احمد المرزوقي" و" محمد الرايس" والطيار "صلاح حشاد"...ومن بعد غادي يتسد السجن بمرة ف 1991 وهادشي كامل بسباب التدخل ديال ديك السيدة الامريكية "نانسي" و"كريستين السرباتي" لي قدرو يوصلو القضية للدول الاوروبية بالاضافة للطبيبة "عايدة" زوجة "صلاح حشاد" لي كانت كاتسيفط الدواا بتخبية للسجناء...
من بعدما خرجات القضية لبرا وخرج السجن على السرية لي كان فيها، الدولة عطاتها للكدوب وبدات كتنكر فالسجن ومن بعدما تدخل الاعلام الاوروبي وجمعيات حقوق الانسان طلقو سراحهم وتسد الحبس بمرة وباش الدولة تصلح الغلط ديالها غادي تعطي تعويضات لهاد السجناء من خلال هيئة الانصاف والمصالحة...
للمزيد من المعلومات شوفو هاد الكتوبة:
"الزنزانة 10" لأحمد المرزوقي
"من الصخيرات الى تزمامارت، تذكرة ذهاب وإياب للى الجحيم" لمحمد الرايس
"تلك العتمة الباهرة" ل الطاهر بنجلون بالإضافة لمذكرات الطيار "صلاح حشاد"....موهيم هادشي لي كاين نتمنى يكون الموضوع فالمستوى...نتقاشعو فالموضوع جاي
بقلــم: الــــﺴـــــــﺎﻋـــﺮ
فهاد الموضوع غنهضر على واحد من أكثر السجون رعبا من بعد "سجن قارة"..موهيم ندخلو فالموضوع...
"سجن تزمامارت" كاين فواحد القرية فالراشيدية وكيرجع لواحد المنطقة عسكرية كان بناها الجيش الفرنسي تما فيامات الاستعمار، سجن تزمامارت مكون من 58 زنزانة وكل زنزانة كيكون طول ديالها 3 ميترو والعرض ديالها 2 ميترو وهاد الحبس مكانش فيه الضو نهائيا ومافيهش منين يتنفس بنادم دايرين غير شي تقابي صغار يدخل منهوم البرد ودخل منهم شوية ديال الشمش..
سجن تزمامارت السري كيرجع لعهد الاستعمار تما فين كانت فرنسا كاتغبر الاعضاء ديال الحركة الوطنية حيت هاد المناطق كانو بعاد ومعروفة بالظروف القاسية لذلك كانت كتستعملهم كمنفى للمناضلين والحركات المناهضة للاستعمار الفرنسي، وفعهد الرصاص غادي يتحل سجن تزمامارت بالضبط ف1973 من بعد الانقلابات لي تعرض ليها الحسن الثاني من طرف "المذبوح" و "أوفقير"هنا فهاد الفترة غادي تنوض الروينة ولي شدوه غايغبروه بما فيهم الانقلابيين والمعارضين ديال الحسن الثاني...
الانقلابيين وكاع لي كانو مشاركين فالانقلابات وحتى لي تزرفو غير هكاك ظلما غادي يدوزوهم لسجن قنيطرة ولكن هذاك كان سجن عادي والحسن الثاني خصو يبرد غدايدو وهنا غادي يتدخل النظام وغايآمر باش يحولوهم فالخفاء لمطار الراشيدية ومن تما لتزمامارت... من بعدما حولوهم بنادم غيبدا يموت دقة دقة بالتعذيب والظروف القاسية ديال السجن ومن بعد عامين غايجيبو شي جنود أفارقة من المتمردين ديال الكونغو وغايغبروهم تاهوما مع المغاربة...شي وحدين ماتو غا بالخوف والظروف القاسية وشي وحدين بقاو حيين بسبب التعاطف ديال حراس السجن معاهم...
سجن تزمامارت حتى واحد مكان عارفو فين كاين..والزهر لي كان عند هاد السجناء لي تسدو فهاد الحبس هو انه كان مشدود معاهم واحد السيد لي هو "الطويل" ربان طائرة، هاد السيد هو الوحيد لي قدر يعرف المنطقة لي كان فيها سجن تزمامارت من خلال الخبرة ديالو فالطيران وقدر يتعرف على المنطقة بسهولة، هاد السيد كان مزوج بواحد السيدة ميريكانية "نانسي" وكان كيسيفط ليها رسائل بالمساعدة ديال بعض الحراس لي تعاملو معاهم وكيعاود ليها على التعذيب والموت البطيئ لي كيتعرضو ليه السجناء..
هنا هاد السيدة الامريكية غادي تدخل فالقضية وغاتمشي "للكونغرس الامريكي" وجمعيات حقوق الانسان وطلبات منهم باش يتدخلو فقضية سجن تزمامارت من بعد غادي يطيحو هاد الجمعيات على رسائل المعتقلين لي كانو كيسيفطوها سرا وغادي يوصلو الخبر ديالهم للصحافة الدولية والجرائد الاوروبية ودوزو قضية تزمامارت فقنوات اوروبية فكل من فرنسا وبلجيكا وهولندا واسبانيا، هنا النظام غادي يتفضح من بعدما نكرو هاد السجن شحال من مرة...وف1889 غادي يجيبو طراكسات وغيبداو يحفرو باش يريبو تزمامارت ويقتلو معاه كاع المعتقلين ويسدو الضوسي باش ميتفضحوش...هنا غادي تعاود تدخل السيدة الامريكية "نانسي" مرت القبطان "الطويل" وغادي طالب بالتحقيق فسبب الحفر هنا غادي تدخل لجنة التحقيق وغادي تآمر بوقف الحفر، من بعد غادي تدخل منظمة العفو الدولية وغاتعطي واحد رابور على تزمامارت وغادي تنوض واحد السيدة خرى "كريستين السرفاتي" مرت المعارض المغربي "أبراهام السرفاتي" وغادي دير واحد الحملة فأوروبا للإفراج على المعتقلين وغينوضو معاها حركات حقوقية فالمغرب وهنا غايتدخل "ادريس البصري" ف 1990 وغايقوليهم بلي مكاينش شي سجن سميتو تزمامارت ومن بعد عام ديال المظاهرات والتدخل ديال جمعيات حقوق الانسان غادي يطلقو شي 28 واحد ومن بينهم "احمد المرزوقي" و" محمد الرايس" والطيار "صلاح حشاد"...ومن بعد غادي يتسد السجن بمرة ف 1991 وهادشي كامل بسباب التدخل ديال ديك السيدة الامريكية "نانسي" و"كريستين السرباتي" لي قدرو يوصلو القضية للدول الاوروبية بالاضافة للطبيبة "عايدة" زوجة "صلاح حشاد" لي كانت كاتسيفط الدواا بتخبية للسجناء...
من بعدما خرجات القضية لبرا وخرج السجن على السرية لي كان فيها، الدولة عطاتها للكدوب وبدات كتنكر فالسجن ومن بعدما تدخل الاعلام الاوروبي وجمعيات حقوق الانسان طلقو سراحهم وتسد الحبس بمرة وباش الدولة تصلح الغلط ديالها غادي تعطي تعويضات لهاد السجناء من خلال هيئة الانصاف والمصالحة...
للمزيد من المعلومات شوفو هاد الكتوبة:
"الزنزانة 10" لأحمد المرزوقي
"من الصخيرات الى تزمامارت، تذكرة ذهاب وإياب للى الجحيم" لمحمد الرايس
"تلك العتمة الباهرة" ل الطاهر بنجلون بالإضافة لمذكرات الطيار "صلاح حشاد"....موهيم هادشي لي كاين نتمنى يكون الموضوع فالمستوى...نتقاشعو فالموضوع جاي
بقلــم: الــــﺴـــــــﺎﻋـــﺮ
Commentaires